'రంగమార్తాండ' లో బ్రహ్మి లుక్ రిలీజ్
- IndiaGlitz, [Sunday,November 24 2019]
దర్శకుడు కృష్ణవంశీ దర్శకత్వంలో తెరకెక్కుతున్న రంగమార్తాండ చిత్రంలో హాస్యబ్రహ్మ బ్రహ్మానందం లుక్ రిలీజ్ చేసింది యూనిట్. తన కామెడీతో ఇన్నాళ్లు నవ్వించిన బ్రహ్మానందం.... ఈ సారి తన నటనతో ప్రేక్షకుల గుండెల్ని పిండేయడం ఖాయం అనేలా ఉంది లుక్. ప్రకాశ్ రాజ్, రమ్యకృష్ణ ప్రధాన పాత్రల్లో నటిస్తుండగా... మరో ముఖ్యమైన పాత్రలో జీవించనున్నారు బ్రహ్మి.
నటన నుంచి తప్పుకున్న ఓ నటుడి భావోద్వేగాలు ఎలా ఉంటాయో బ్రహ్మానందం పాత్రలో తెరపై ఆవిష్కరించనున్నారు కృష్ణవంశీ. కాగా మరాఠీ చిత్రం నటసామ్రాట్ చిత్రం రీమేక్ గా రంగమార్తాండ రూపుదిద్దుకుంటుంది. నటసామ్రాట్ లో బ్రహ్మానందం పాత్రను నానాపటేకర్ పోషించారని తెలుస్తోంది. బ్రహ్మానందం హాస్యం గురించి ప్రత్యేకంగా చెప్పక్కర్లేదు ... అయితే ఆయన ఏ పాత్ర చేసినా వంద శాతం న్యాయం చేస్తారని మాత్రం ఖచ్చితంగా చెప్పగలం.
కాగా రంగమార్తాండ సినిమాను మధు కలిపు, అభిషేక్ జవర్కర్ లు కలిసి నిర్మిస్తున్నారు. మ్యాస్ట్రో ఇళయరాజా సంగీతం అందించడం సినిమాకు మరో బలం కానుంది.