இவர் ஒரு மாடர்ன் சாமியார்.. 'பாய்ஸ்' பட நடிகர் குறித்து விஜய்சேதுபதி..!
- IndiaGlitz, [Monday,September 11 2023]
பிரமாண்ட இயக்குனர் ஷங்கர் இயக்கத்தில் உருவான ‘பாய்ஸ்’ படத்தில் நடித்த மணிகண்டன் நடிகர் விஜய் சேதுபதியின் ’மகாராஜா’ படத்தில் நடித்துள்ள நிலையில் அவரை மேடைக்கு வரவழைத்து இவர் ஒரு மாடர்ன் சாமியார் என்று புகழ்ந்தது ஆச்சரியத்தை ஏற்படுத்தி உள்ளது.
விஜய் சேதுபதியின் நடிப்பில் உருவான ’மகாராஜா’ என்ற திரைப்படத்தின் பர்ஸ்ட் லுக் போஸ்டர் வெளியீட்டு விழா நேற்று சென்னையில் நடைபெற்றது. இதில் தயாரிப்பாளர்கள் லலித், எஸ்ஆர் பிரபு உள்பட பலர் கலந்து கொண்டனர்.
இந்த நிகழ்ச்சியில் பேசிய விஜய் சேதுபதி ’இந்த படத்தில் ‘பாய்ஸ்’ மணிகண்டன் ஒரு கேரக்டரில் நடித்திருப்பதாகவும் அவரது நடிப்பு தனக்கு ஆச்சரியத்தை ஏற்படுத்தியதாகவும் தெரிவித்தார். ‘பாய்ஸ்’ படத்தில் இவர் நடிக்கும் போது தான் துபாயில் இருந்தேன் கூறிய விஜய் சேதுபதி, இவரது சமீபத்திய பேட்டி ஒன்றைப் பார்த்தேன், அந்த பேட்டியில் அவர் தன்னம்பிக்கையுடன் பேசியதை பார்க்கும் போது அவர் ஒரு மாடர்ன் சாமியார் என்பதை புரிந்து கொண்டேன். ஒரு வாழ்க்கையை எவ்வளவு கஷ்டம் வந்தாலும் எப்படி எளிமையாக எடுத்துக்கொள்ள வேண்டும் என்று அந்த பேட்டியில் அவர் மிகவும் கூலாக பேசியிருப்பார்.
மணிகண்டன் அவர்களுடன் நடித்தது நான் மிகவும் மகிழ்ச்சி அடைகிறேன். இந்த முகத்தை வைத்து எந்த கேரக்டர் வேண்டுமானாலும் செய்யலாம், நம்பிக்கைக்கு அவநம்பிக்கைக்கும் இடையிலான கேரக்டர், கொஞ்சம் நகர்ந்தால் நல்லவன் கொஞ்சம் நகர்ந்தால் கெட்டவன் போன்ற கேரக்டரை கொடுக்கலாம் என்று தெரிவித்தார். அப்போது மணிகண்டன் சிரித்தபோது ’நான் எப்போது பாராட்டினாலும் இவர் சந்தேகப்படுவார் என்று காமெடியாக கூறினார்.
நீண்ட இடைவேளைக்கு பிறகு ‘பாய்ஸ்’ மணிகண்டன் ’மகாராஜா’ படத்தில் நடித்துள்ளதாக விஜய் சேதுபதி கூறி இருப்பது ஆச்சரியத்தை ஏற்படுத்தியுள்ளது.