'సింహా' నుంచి బోయపాటి అంతే
- IndiaGlitz, [Saturday,April 09 2016]
మాస్ చిత్రాల‌ను తెర‌కెక్కించ‌డంలో బోయపాటి శ్రీ‌ను శైలే వేరు. త‌న తొలి చిత్రం భ‌ద్ర నుంచి ఆయ‌న‌ది ఇదే తీరు. ఇదిలా ఉంటే.. భ‌ద్ర నుంచి ఆయ‌న కి సినిమాల విడుద‌ల ప‌రంగా ఓ సెంటిమెంట్ ఉంది. అదేమిటంటే.. స‌మ్మ‌ర్‌లోనే త‌న సినిమాలు విడుద‌ల‌య్యేలా చూసుకోవ‌డం. తుల‌సి చిత్రం మిన‌హాయిస్తే బోయపాటి చిత్రాల‌న్నీ స‌మ్మ‌ర్‌లోనే ప్రేక్ష‌కుల ముందుకు వ‌చ్చాయి.
ముఖ్యంగా సింహా నుంచి గ‌మ‌నిస్తే రెండేళ్ల‌కో సినిమాతో వ‌స్తున్న బోయపాటి.. ఆ సినిమాల‌ని వేస‌వి ప్రారంభంలోనే వ‌చ్చేలా ప్ర‌ణాళిక‌లు వేసుకుంటున్నాడు. 2010లో సింహా, 2012లో ద‌మ్ము, 2014లో లెజెండ్‌.. 2016లో స‌రైనోడు.. ఇలా ఓ లెక్క ప్ర‌కార‌మే బోయపాటి నుంచి సినిమాలు వ‌స్తున్న‌ట్లుంది వేస‌వి కాలంలో. మున్ముందు కూడా బోయపాటి ఇదే బాట‌లో వెళ‌తాడో లేదంటే ట్రాక్ మారుస్తాడో చూడాలి. ఏదేమైనా బోయ‌పాటికి వేస‌వికి బాగానే క‌లిసొచ్చిన‌ట్టే. అదే తీరు 22న రానున్న 'స‌రైనోడు' కి వ‌ర్తిస్తుందేమో చూడాలి.