మాస్ ఆడియన్స్ కు మంచి కిక్కిచ్చే దర్శకుడు బోయపాటి శ్రీను. భారీ డైలాగులు, యాక్షన్ సన్నివేశాల్లో అదరగొట్టడం బాలయ్యకు వెన్నతో పెట్టిన విద్య. అందుకే బాలయ్యకు, బోయపాటికి మధ్య సింక్ అంత బాగా కుదిరింది. ఈ క్రేజీ కాంబోలో హ్యాట్రిక్ చిత్రం 'అఖండ' తెరకెక్కుతున్న సంగతి తెలిసిందే.

ఇదీ చదవండి: అమేజింగ్.. బికినీలో రకుల్ అందాల ట్రీట్!

ఇదిలా ఉండగా దర్శకుడు బోయపాటి బుధవారం ఉదయం తిరుమలలో శ్రీవారిని దర్శించుకున్నారు. ఉదయం విఐపి బ్రేక్ దర్శన సమయంలో బోయపాటి వేంకటేశ్వరస్వామిని దర్శించుకున్నారు. దర్శనం అనంతరం బోయపాటి మీడియాతో మాట్లాడుతూ 'అఖండ' చిత్ర విశేషాలు పంచుకున్నారు.

క్లైమాక్స్ ఎపిసోడ్స్ చిత్రీకరణ కోసం లొకేషన్స్ వెతుకుతున్నట్లు బోయపాటి తెలిపారు. హైదరాబాద్ లో వర్షాలు పడుతుండడంతో చిత్రీకరణ కుదరడం లేదని అన్నారు. కడపలో లొకేషన్స్ చూస్తున్నట్లు బోయపాటి తెలిపారు. కరోనా థర్డ్ వేవ్ ప్రభావాన్ని బట్టి సినిమా రిలీజ్ డేట్ ప్రకటిస్తామని అన్నారు.

అఖండ చిత్రంలో బాలయ్యకు జోడిగా ప్రగ్యాజైశ్వాల్ హీరోయిన్ గా నటిస్తోంది. ఆ మధ్యన విడుదలైన టీజర్ కు సూపర్ రెస్పాన్స్ వచ్చింది. బోయపాటి తన తదుపరి చిత్రం కోసం అల్లు అర్జున్ తో సంప్రదింపులు జరుపుతున్నారు.