బోయపాటి శ్రీను చేతుల మీదుగా 'లెజెండ్' 1000 రోజుల పోస్టర్ విడుదల
- IndiaGlitz, [Tuesday,October 25 2016]
న‌ట‌సింహ నంద‌మూరి బాల‌కృష్ణ హీరోగా బోయపాటి శ్రీను దర్శకత్వంలో రూపొందిన చిత్రం 'లెజెండ్' ఇప్పుడు విజ‌య‌వంతంగా 950 రోజుల‌ను పూర్తి చేసుకుని 1000 రోజుల దిశ‌గా ప‌య‌నిస్తుంది. 2014, మార్చి 28న విడుదలైన 'లెజెండ్ నంద‌మూరి బాల‌కృష్ణ కెరీర్‌లోనే హ‌య్య‌స్ట్ క‌లెక్ష‌న్స్ 55 కోట్ల‌కు పైగా షేర్స్‌ను సాధించింది.
ప్ర‌స్తుతం నంద‌మూరి అభిమానులు బాల‌కృష్ణ ప్రెస్టిజియ‌స్ 100వ చిత్రం 'గౌత‌మిపుత్ర శాత‌క‌ర్ణి' కోసం అతృత‌గా ఎదురుచూస్తున్న సంగ‌తి తెలిసిందే. ఈ సంద‌ర్భంలో బాల‌కృష్ణ 'లెజెండ్' క‌డ‌ప‌జిల్లాలోని ప్రొద్దుటూరు అర్చన థియేట‌ర్‌లో స‌క్సెస్ ఫుల్‌గా 950 రోజుల‌ను పూర్తి చేసుకుని 1000 రోజుల‌ను పూర్తి చేసుకుంటుండటం విశేషం. న‌ట‌సింహ నంద‌మూరి బాల‌కృష్ణను ప‌వ‌ర్‌ఫుల్ పాత్ర‌లో ద‌ర్శ‌కుడు బోయపాటి శ్రీను ఆవిష్క‌రించిన తీరు రియ‌ల్లీ సూప‌ర్బ్‌. ఈ శుభ సంద‌ర్భాన అర్చన థియేట‌ర్ ప్రొప్రైట‌ర్ కె.ఓబుల్ రెడ్డి, లెజెండ్ ద‌ర్శ‌కుడు బోయ‌పాటిని క‌లిసి లెజెండ్ 950 నుండి 1000వ రోజు పోస్ట‌ర్‌ను విడుదల చేశారు.
ర‌జ‌నీకాంత్ న‌టించిన 'చంద్ర‌ముఖి' 891 రోజుల విజ‌య‌వంతంగా ప్ర‌ద‌ర్శించ‌ప‌డి ద‌క్షిణాది సినిమా చ‌రిత్ర‌లో ఓ రికార్డ్‌ను క్రియేట్ చేసింది. ఈ రికార్డ్‌ను చెరిపేస్తూ నంద‌మూరి బాల‌కృష్ణ లెజెండ్ 1000 రోజులుకు ప‌య‌నిస్తూ సరికొత్త హిస్ట‌రీని క్రియేట్ చేసింది. ఈ సంద‌ర్భంగా 'లెజెండ్' సినిమాను మెమ‌ర‌బుల్ మూవీగా గుర్తుండిపోయేలా చేసిన తెలుగు ప్రేక్ష‌కుల‌కు, నంద‌మూరి అభిమానుల‌కు చిత్ర ద‌ర్శ‌కుడు బోయపాటి శ్రీను, నిర్మాత‌లు రామ్ ఆచంట, గోపీచంద్ ఆచంట, అనీల్ సుంక‌ర, సాయికొర్ర‌పాటి స‌హా చిత్ర‌యూనిట్ కృత‌జ్ఞ‌త‌లు తెలియ‌జేశారు.