సెంటిమెంట్ ను ఫాలో అవుతున్న బోయపాటి..!
- IndiaGlitz, [Sunday,November 20 2016]
భ‌ద్ర, తుల‌సి, సింహా, ద‌మ్మున్నోడు, లెజెండ్, స‌రైనోడు...ఇలా వ‌రుస‌గా సక్సెస్ ఫుల్ మూవీస్ అందిస్తున్న మాస్ డైరెక్టర్ బోయపాటి శ్రీను. తాజాగా బెల్లంకొండ సాయి శ్రీనివాస్ హీరోగా బోయపాటి శ్రీను ఓ చిత్రాన్ని తెర‌కెక్కిస్తున్నారు. ఈ చిత్రాన్ని ఈరోజు ప్రారంభించారు. బోయపాటి భ‌ద్ర సినిమా నుంచి త‌న ప్ర‌తి సినిమా ఫ‌స్ట్ సీన్ ను గ‌చ్చిబౌలిలోని వ‌న‌దేవ‌త ఆల‌యంలో చిత్రీక‌రిస్తారు. ఈసారి కూడా సెంటిమెంట్ ను కొన‌సాగిస్తూ తొలి స‌న్నివేశాన్ని వ‌న‌దేవ‌త ఆల‌యంలోనే చిత్రీకరించారు. ఈ చిత్రంలో సాయి శ్రీనివాస్ స‌ర‌స‌న రకుల్ ప్రీత్ సింగ్ న‌టిస్తుంది. ఈ భారీ చిత్రాన్ని సాహ‌సం శ్వాస‌గా సాగిపో చిత్ర నిర్మాత మిర్యాల రవీందర్ రెడ్డి నిర్మిస్తున్నారు.
ఈ సందర్భంగా చిత్ర నిర్మాత మిర్యాల రవీందర్ రెడ్డి మాట్లాడుతూ... ఈ చిత్రం రెగ్యులర్ షూటింగ్ నేటి నుంచి మొదలయ్యింది. నేడు హీరో, హీరోయిన్లు బెల్లంకొండ శ్రీనివాస్-రకుల్ ప్రీత్ సింగ్ లపై కీలకమైన సన్నివేశాల్ని చిత్రీకరించారు. మా నిర్మాణ సంస్థ "ద్వారక క్రియేషన్స్"లో రూపొందుతున్న రెండో చిత్రమిది. సక్సెస్ ఫుల్ డైరెక్టర్ బోయపాటి శ్రీను గారి దర్శకత్వంలో మా సంస్థ రెండో చిత్రాన్ని నిర్మించడం చాలా సంతోషంగా ఉంది. హీరో బెల్లంకొండ శ్రీనివాస్ కు కంప్లీట్ మేకోవర్ ఇవ్వడంతోపాటు వైవిధ్యమైన కథాంశంతో ఈ చిత్రాన్ని తెరకెక్కించనున్నారు బోయపాటి అన్నారు.
మిగతా నటీనటుల ఎంపిక జరుగుతున్న ఈ చిత్రానికి మాటలు: ఎం.రత్నం, సినిమాటోగ్రఫీ: ఋషి పంజాబీ, కళ: సాహి సురేష్, కూర్పు: కోటగిరి వెంకటేశ్వర్రావు, పోరాటాలు: రామ్-లక్ష్మణ్, ప్రెస్ రిలేషన్స్: వంశీ-శేఖర్, సంగీతం: దేవిశ్రీప్రసాద్, నిర్మాత: మిర్యాల రవీందర్ రెడ్డి, కథ-స్క్రీన్ ప్లే-దర్శకత్వం: బోయపాటి శ్రీను.