బోయపాటి వెన‌క‌డుగు..!!
- IndiaGlitz, [Thursday,April 16 2020]
నంద‌మూరి బాల‌కృష్ణ హీరోగా న‌టిస్తోన్న 106 చిత్రం చిత్రీక‌ర‌ణ ద‌శ‌లో ఉంది. బోయపాటి శ్రీను ద‌ర్శ‌క‌త్వంలో సినిమా తెర‌కెక్కుతోంది. తొలి షెడ్యూల్ పూర్త‌యిన ఈ సినిమా కరోనా వైర‌స్ ప్ర‌భావం షూటింగ్‌ను ఆపేసింది. కరోనా ప్ర‌భావం త‌గ్గిన త‌ర్వాత సినిమా కొత్త షెడ్యూల్ ప్రారంభం కానుంది. ఈ సినిమాలో బాల‌కృష్ణ ద్విపాత్రాభిన‌యం చేయ‌బోతున్నారు. అందులో ఓ పాత్ర అఘోరా కాగా.. మ‌రో పాత్ర రాయ‌ల‌సీమ బ్యాక్‌డ్రాప్‌లో ఉండ‌బోతుంది. అయితే బాల‌య్య‌ను బోయపాటి అఘోరా పాత్ర‌లో చూపిస్తార‌నే వార్త‌లు రావ‌డం ప‌ట్ల ఆయ‌న అభిమానులు ఆందోళ‌న వ్య‌క్తం చేశార‌ట. ఈ విష‌యం బోయపాటి శ్రీను వ‌ర‌కు చేర‌డంతో ఆయ‌న అఘోరా పాత్ర‌ను వీలైనంత త‌క్కువ‌గా క‌న‌ప‌డేలా స్క్రిప్ట్‌ను మారుస్తున్నాడ‌ని వార్త‌లు వ‌స్తున్నాయి.
ఈ కరోనా క్వారంటైన్ టైమ్‌లో సినిమా స్క్రిప్ట్‌కు మ‌రింత‌గా మెరుగులు దిద్దుతున్నాడ‌ట బోయపాటి. ఈ చిత్రంలో భూమిక లేడీ విల‌న్‌గా న‌టిస్తుంద‌ని వార్త‌లు విన‌ప‌డుతున్నాయి. సింహా, లెజెండ్ చిత్రాల త‌ర్వాత బాల‌కృష్ణ, బోయపాటి కాంబినేష‌న్‌లో వ‌స్తున్న చిత్రం కావ‌డంతో సినిమాపై భారీ అంచ‌నాలున్నాయి. ద్వారకా క్రియేషన్స్ బ్యాన‌ర్‌పై మిర్యాల ర‌వీంద‌ర్ రెడ్డి ఈ చిత్రాన్ని నిర్మిస్తున్నారు. ద‌స‌రా సంద‌ర్భంగా సినిమాను విడుద‌ల చేయ‌డానికి ద‌ర్శ‌క నిర్మాత‌లు ప్లాన్ చేస్తున్నారు.