మాస్ డైరెక్ట‌ర్‌గా ఇమేజ్‌తో ప‌క్కా మాస్ క‌మ‌ర్షియ‌ల్ సినిమాల‌ను తెర‌కెక్కించే డైరెక్ట‌ర్ బోయ‌పాటి శ్రీను ప్ర‌స్తుతం బాల‌కృష్ణ‌తో హ్యాట్రిక్ మూవీ చేయ‌బోతున్న సంగ‌తి తెలిసిందే. సింహా, లెజెండ్ చిత్రాల త‌ర్వాత వీరిద్ద‌రి కాంబినేష‌న్‌లో రూపొందుతోన్న చిత్ర‌మిది. సినిమాపై క‌చ్చితంగా అంచ‌నాలుంటాయ‌న‌డంలో సందేహం లేదు. ప్ర‌స్తుతం శ‌ర‌వేగంగా ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. డిసెంబ‌ర్‌లో సెట్స్‌పైకి ఈ సినిమా వెళ్ల‌నుంద‌ని టాక్‌.

`విన‌య‌విధేయ‌రామ‌` వంటి డిజాస్ట‌ర్ త‌ర్వాత బోయపాటి త‌న ఇమేజ్‌ను తిరిగి సంపాదించుకోవాల‌ని కృత నిశ్చ‌యంతో ఉన్నాడు. త‌న వ‌ద్ద ఉన్న డైరెక్ష‌న్ టీమ్‌లో మార్పులు చేయాల‌నుకుంటున్నాడ‌ట‌. అందుకోసం కొత్త‌వారిని రీప్లేస్ చేస్తున్నాడని వార్త‌లు విన‌ప‌డుతున్నాయి. అందుకార‌ణం కొత్త ఆలోచ‌న‌లు కావాల‌నే ఉద్దేశ‌మ‌న‌ని గుస‌గుస‌లు విన‌ప‌డుతున్నాయి. మ‌రి బోయపాటి శ్రీను చేస్తున్న మార్పులు ఆయ‌న‌కు ఏమేర‌కు సాయం కానున్నాయో చూడాలి.

ఈ చిత్రంలో బాలీవుడ్ న‌టుడు సంజ‌య్ ద‌త్‌ను విల‌న్‌గా న‌టింప చేయ‌డానికి స‌న్నాహాలు చేస్తున్నారట‌. మిర్యాల ర‌వీంద‌ర్ నిర్మిస్తున్న ఈచిత్రానికి దేవిశ్రీ ప్ర‌సాద్ సంగీతాన్ని అందిస్తున్నాడు.