బాక్సింగే నా ప్రపంచం అంటున్న గురు...!
- IndiaGlitz, [Wednesday,January 11 2017]
విక్ట‌రీ వెంక‌టేష్ న‌టిస్తున్న తాజా చిత్రం గురు. బాలీవుడ్ మూవీ సాలా ఖ‌దూస్ చిత్రానికి రీమేక్ గా ఈ చిత్రం రూపొందుతుంది. ఈ చిత్రాన్ని సుధ కొంగ‌ర తెరకెక్కిస్తున్నారు. షూటింగ్ పూర్తి చేసుకున్న గురు చిత్రం టీజ‌ర్ ను రిలీజ్ చేసారు. ఈ టీజ‌ర్ లో వెంకీ బాక్సింగే నా ప్రపంచం అంటున్నారు. అంతే కాకుండా....మీరు నేను చెప్పిందే వింటారు.. చెప్పిందే తింటారు. ఇల్లు, వాకిలి, ప్రేమ, దోమ, చెత్తా చెదారం అన్ని పక్కనపెట్టి ఒళ్లొంచి ట్రై చేయండి అని టీజర్‌లో వెంకీ చెప్పిన డైలాగ్ విశేషంగా ఆకట్టుకుంటుంది. ఈ టీజ‌ర్ కు ప్రేక్ష‌కాభిమానుల నుంచి అనూహ్య స్పంద‌న ల‌భిస్తుంది. సంతోష్ నారాయ‌ణ్ సంగీతం అందించారు. వై నాట్ స్టూడియోస్ బ్యాన‌ర్ పై శ‌శికాంత్ ఈ చిత్రాన్ని నిర్మిస్తున్నారు. మ‌రి...టీజ‌ర్ తో ఆక‌ట్టుకున్న గురు ఎలాంటి విజ‌యం సాధిస్తాడో చూడాలి..!