'வலிமை' ரிலீஸ் தேதி குறித்து சற்றுமுன் போனிகபூர் பதிவு செய்த டுவிட்!
- IndiaGlitz, [Tuesday,January 04 2022]
அஜித் நடித்த ’வலிமை’ திரைப்படம் ஜனவரி 13-ஆம் தேதி வெளியாகும் என சமீபத்தில் வெளியான ட்ரெய்லரில் அறிவிக்கப்பட்டு இருந்தது என்பதும் அதன் பின்னரும் படக்குழுவினர் ஜனவரி 13 என்ற தேதியை உறுதி செய்தனர் என்பதும் குறிப்பிடத்தக்கது.
ஆனால் அதே நேரத்தில் தமிழகம் உள்பட பல்வேறு மாநிலங்களில் திரையரங்குகளுக்கு கட்டுப்பாடு விதிக்கப்பட்டதை அடுத்து எஸ்எஸ் ராஜமவுலியின் ’ஆர்.ஆர்.ஆர்’ திரைப்படம் ரிலீஸ் தேதி தள்ளி வைக்கப்பட்டது. மேலும் ’ராதே ஷ்யாம்’ ரிலீஸ் தேதியும் தள்ளி வைக்கப்பட வாய்ப்புள்ளதாக கூறப்பட்டு வருகிறது
இந்த நிலையில் ’வலிமை’ திரைப்படம் திட்டமிட்டபடி ரிலீஸ் ஆகுமா? என்ற சந்தேகம் ரசிகர்கள் மனதில் எழுந்தது. மேலும் ஜனவரி 10ஆம் தேதிக்கு பின்னர் கூடுதல் கட்டுப்பாடுகள் விதிக்கப்படலாம் என்ற சூழ்நிலையும் உள்ளது
இந்த நிலையில் சற்று முன் ’வலிமை’ படத்தின் தயாரிப்பாளர் போனி கபூர் ஜனவரி 13-ஆம் தேதி திட்டமிட்டபடி ’வலிமை’ திரைப்படம் ரிலீஸ் ஆகும் என உறுதிபடக் கூறியுள்ளார். இதனால் அஜீத் ரசிகர்கள் மீண்டும் நம்பிக்கையுடன் இந்த படம் வெளிவரும் என்று கூறி வருகின்றனர்.
Experience the POWER OF #VALIMAI, in Tamil, Telugu and Hindi. Releasing Worldwide on 13th January 2022.#AjithKumar #HVinoth @thisisysr @BayViewProjOffl @ZeeStudios_ @sureshchandraa @ActorKartikeya #ValimaiFromPongal #ValimaiFromJan13 pic.twitter.com/crMZfBTZFH
— Boney Kapoor (@BoneyKapoor) January 4, 2022