மணிரத்னம் அலுவலகத்துக்கு வெடிகுண்டு மிரட்டல்! காரணம் என்ன?
- IndiaGlitz, [Tuesday,October 02 2018]
பிரபல இயக்குனர் மணிரத்னம் இயக்கத்தில் உருவான 'செக்க சிவந்த வானம்' திரைப்படம் சமீபத்தில் வெளிவந்து நல்ல வரவேற்பையும் வசூலையும் பெற்று வருகிறது. சுமார் ரூ.30 கோடி ஓப்பனிங் வசூல் செய்த இந்த படம் வரும் ஆயுதபூஜை வரை வசூலை தொடர்ந்து தரும் என எதிர்பார்க்கப்படுகிறது.
இந்த நிலையில் 'செக்க சிவந்த வானம்' திரைப்படத்தில் இடம்பெற்ற சர்ச்சைக்குரிய வசனங்களை நீக்கவில்லை என்றால் விபரீத விளைவுகளை சந்திக்க நேரிடும் என மர்மநபர் ஒருவர் மணிரத்னம் அவர்களுக்கு தொலைபேசியில் மிரட்டியதாக போலீசார் தகவல் தெரிவித்துள்ளனர்.
மணிரத்னம் அவர்களுக்கு வெடிகுண்டு மிரட்டல் வருவது இது முதல்முறையல்ல. ஏற்கனவே கடந்த 1996ஆம் ஆண்டு இவரது இயக்கத்தில் 'பம்பாய்' படம் வெளியானபோது இவரது அலுவலகத்தில் வெடிகுண்டு பார்சல் வந்ததும் அதில் நூலிழையில் அவர் உயிர் தப்பினார் என்பதும் குறிப்பிடத்தக்கது.