ஒரு மணி நேரத்தில் பிடிபட்ட சென்னை சென்ட்ரல் ரயில் வெடிகுண்டு மிரட்டல்காரர்
- IndiaGlitz, [Tuesday,April 25 2017]
சென்னை சென்ட்ரல் ரயில் நிலையத்தில் குண்டு வெடிக்கும் என்று ஒரு மிரட்டல் கடிதம் மாவோயிஸ்ட்களிடம் இருந்து வந்ததாக சற்று முன்னர் பார்த்தோம். இந்த கடிதம் வந்தவுடன் உடனடியாக விசாரணையில் இறங்கிவிட்டது போலீஸ்
அந்த மிரட்டல் கடிதத்தில் இருந்த ஒன்பது எண்கள் மற்றும் அரக்கோணம் அருகே குண்டுவெடிக்கும் என்று இருந்த வார்த்தைகள் ஆகியவற்றை கொண்டு போலீசார் தீவிரமாக விசாரணை செய்ததில் இந்த மிரட்டல் கடிதத்தை ஓய்வு பெற்ற ரயில்வே ஊழியர் கங்காதரன் என்பவர்தான் அனுப்பியுள்ளதாக ஒரு மணி நேரத்தில் போலீசார் கண்டுபிடித்தனர்.
உடனடியாக ரயில்வே போலிசார் கங்காதரன் இருக்கும் இடத்தை சுற்றி வளைத்து அவரை கைது செய்தனர். தற்போது அவரிடம் தீவிர விசாரணை நடந்து வருகிறது. இவர் ஏற்கனவே கடந்த 2006ஆம் ஆண்டு இதேபோன்ற ஒரு மிரட்டல் கடிதத்தை அனுப்பியுள்ளார் என்பது முதல்கட்ட விசாரணையில் தெரியவந்துள்ளது