బాలీవుడ్ విల‌న్‌తో రామ్ ఢీ
- IndiaGlitz, [Tuesday,January 29 2019]
రోబో సీక్వెల్ '2.0'లో ర‌జ‌నీకాంత్ చేయాల‌నుకునే ప‌నుల‌కు అడ్డం చెబుతూ .. ప‌క్షిరాజు ఆత్మ‌ను చిట్టి బంధిస్తే దాన్ని విడిపించేసే సైంటిస్ట్ పాత్ర‌లో న‌టించిన బాలీవుడ్ న‌టుడు సుధాంశు పాండే ఇప్పుడు 'ఇస్మార్ట్ శంక‌ర్‌'లో విల‌న్‌గా న‌టించ‌బోతున్నాడు. పూరి జ‌గ‌న్నాథ్‌, ఎన‌ర్జిటిక్ స్టార్ కాంబినేష‌న్‌లో రూపొందుతోన్న ఈ సినిమాకు పూరి, ఛార్మి నిర్మాత‌లు.
ఈ నెల‌లో చిత్రీక‌ర‌ణ కూడా స్టార్ట‌య్యింది. ఇందులో నిధి అగ‌ర్వాల్‌, న‌భా న‌టేష్ హీరోయిన్స్‌గా న‌టిస్తున్నారు. ఈ సినిమా కోసం సుధాంశు పాండే తన లుక్‌ను మార్చుకోబోతున్నాడు. గెడ్డంతో క‌న‌ప‌డ‌బోతున్నాడ‌ట. మార్చి త‌ర్వాత యూనిట్‌లో జాయిన్ అవుతాడు. యాక్ష‌న్ స‌న్నివేశాల‌ను పూరి అప్పుడే చిత్రీక‌రిస్తాడ‌ట. మే నెల‌లో సినిమాను విడుద‌ల చేయాల‌ని యూనిట్ భావిస్తోంది.