స్టైలిష్ స్టార్ అల్లు అర్జున్, బ్రిలియంట్ డైరెక్టర్ సుకుమార్ కాంబినేషన్‌లో రూపొందుతోన్న మూడో చిత్రం ‘పుష్ప’. బన్నీ పుట్టినరోజు సందర్భంగా ఈ సినిమా టైటిల్, ఫస్ట్ లుక్‌ను విడుదల చేసిన సంగతి తెలిసిందే. బన్నీకి గత చిత్రం ఇచ్చిన కాన్ఫిడెన్సో లేక సుకుమార్ చెప్పిన కథపై నమ్మకమో ఏమో కానీ ఈసారి ఏకంగా పాన్ ఇండియా సినిమాతో ప్రేక్షకుల ముందుకు రాబోతున్నాడు. పుష్ప చిత్రం తెలుగుతో పాటు మలయాళం, హిందీ, తమిళ, కన్నడ భాషల్లో విడుదల కానుంది. తెలుగు, మలయాళంలో అల్లు అర్జున్‌కి కావాల్సినంత క్రేజ్ ఉండ‌టంతో ఇబ్బంది లేదు. కానీ హిందీ ప్రేక్ష‌కుల‌ను ఆక‌ట్టుకోవ‌డానికి బ‌న్నీ ప‌క్కా ప్లానింగ్‌తో ముందుకెళ్తున్నాడ‌ట‌. ప్ర‌ధాన పాత్ర‌ల్లో వీలైనంత మంది బాలీవుడ్ న‌టీన‌టుల‌ను న‌టింప చేసే ప్ర‌య‌త్నాలు చేస్తున్నార‌ట‌.

ఇప్ప‌టికే ఈ సినిమాలో ఓ స్పెష‌ల్ సాంగ్ కోసం కియారా అద్వానీని సంప్ర‌దిస్తున్నార‌నే వార్త‌లు విన‌ప‌డ్డ సంగ‌తి తెలిసిందే. కాగా.. లేటెస్ట్ స‌మాచారం మేర‌కు ఈ సినిమాలో విల‌న్‌గా బాలీవుడ్ యాక్ట‌ర్‌ను తీసుకోబోతున్నార‌ట‌. సంజ‌య్ ద‌త్‌, సునీల్ శెట్టి పేర్లు ప్ర‌ముఖంగా విన‌ప‌డుతున్నాయి. ఈ సినిమాలో విజ‌య్ సేతుప‌తి కూడా పోలీస్ ఆఫీస‌ర్ పాత్ర‌లో న‌టిస్తుండ‌టం విశేషం. చిత్తూరు జిల్లా శేషాచ‌ల అడ‌వుల్లో జరిగే ఎర్ర చంద‌నం స్మ‌గ్లింగ్ నేప‌థ్యంలో సినిమా తెర‌కెక్క‌నుంది. క‌రోనా వైర‌స్ ప్ర‌భావంతో సినిమా రెగ్యుల‌ర్ షూటింగ్‌ను ప్రారంభించ‌నున్నారు. ర‌ష్మిక మంద‌న్న హీరోయిన్‌గా న‌టించ‌నుంది.