మహేశ్‌ను బాలీవుడ్ స్టార్ ఢీ కొడ‌తాడా?
- IndiaGlitz, [Monday,September 07 2020]
సూప‌ర్‌స్టార్ మ‌హేశ్ త‌న 27వ సినిమాగా 'స‌ర్కారు వారి పాట' అనే సినిమాను అనౌన్స్ చేసిన సంగ‌తి తెలిసిందే. ప‌రుశురామ్ ద‌ర్శ‌క‌త్వంలో తెర‌కెక్కుతోన్న ఈ సినిమా టైటిల్ లోగోను విడుద‌ల చేసి సినిమాల‌ను లాంఛ‌నంగా ప్రారంభించారు. ఈ సినిమాలో విలన్గా ఎవ‌రు న‌టిస్తారు? అనే దానిపై ప‌లు వార్త‌లు విన‌ప‌డ్డాయి. క‌న్న‌డ స్టార్ హీరో ఉపేంద్ర ఈ చిత్రంలో విలన్గా చేస్తాడ‌ని, కాదు సుదీప్ విలన్గా చేస్తాడంటూ వార్త‌లు వ‌చ్చాయి. కానీ లేటెస్ట్ స‌మాచారం మేర‌కు డైరెక్ట‌ర్ ప‌రుశురామ్ బాలీవుడ్ స్టార్ అనీల్ క‌పూర్‌ను విలన్గా న‌టింప చేయ‌డానికి గ‌ట్టి ప్ర‌య‌త్నాలే చేస్తున్నాడ‌ని అంటున్నారు. అనీల్ క‌పూర్‌ణు మ‌హేశ్ క‌లిసి క‌థ‌ను కూడా వినిపించాడ‌ట. ఇక అనీల్ కపూర్ నిర్ణ‌యం తీసుకోవాల్సి ఉంద‌ని టాక్‌.
త్వ‌ర‌లోనే సినిమా రెగ్యుల‌ర్ షూటింగ్ అమెరికాలో స్టార్ట్ కానుంద‌ని స‌మాచారం. కీర్తి సురేశ్ హీరోయిన్‌. మైత్రీ మూవీ మేక‌ర్స్‌, జీఎంబీ ఎంట‌ర్‌టైన్‌మెంట్, 14 రీల్ ప్ల‌స్ బ్యాన‌ర్స్‌పై సినిమా నిర్మిత‌మ‌వుతోంది. ఇందులో మ‌హేశ్ ఎన్నారై బిజినెస్ మేన్‌గా, ఫైనాన్సియ‌ర్‌గా.. ఇలా రెండు షేడ్స్‌లో క‌నిపిస్తార‌ని వార్త‌లు వినిపిస్తున్నాయి.