మెగాపవర్‌స్టార్ రామ్‌చ‌ర‌ణ్‌, స్టార్ డైరెక్ట‌ర్ శంక‌ర్ కాంబినేష‌న్‌లో రూపొందుతోన్న భారీ ప్యాన్ ఇండియా మూవీకి సంబంధించిన ప్రీ ప్రొడక్ష‌న్ ప‌నులు శ‌ర‌వేగంగా జ‌రుగుతున్నాయి. ప్ర‌స్తుతం రామ్‌చ‌ర‌ణ్.. ఎన్టీఆర్‌తో క‌లిసి ‘ఆర్ఆర్ఆర్‌(ర‌ణం రౌద్రం రుధిరం)’ను పూర్తి చేయ‌డంలో బిజీగా ఉన్నాడు. ప్యాన్ ఇండియా మూవీగా ట్రిపులార్ అక్టోబ‌ర్ 13న గ్రాండ్ రిలీజ్ కానుంది. ఈ ప్యాన్ ఇండియా ఫార్ములాను కంటిన్యూ చేస్తూ స్టార్ డైరెక్ట‌ర్ శంక‌ర్‌తో చేతులు క‌లిపాడు రామ్‌చ‌ర‌ణ్‌.

భారీ బ‌డ్జెట్ చిత్రాల‌ను త‌న‌దైన శైలిలో బిగ్గ‌ర్‌దేన్ లైఫ్‌గా తెర‌కెక్కించే శంక‌ర్ అదే స్టైల్‌లో ఈ సినిమాను కూడా రూపొందిస్తున్నాడు. దిల్‌రాజు ఈ సినిమాను నిర్మిస్తున్నాడు. లేటెస్ట్ స‌మాచారం మేర‌కు.. ఈ సినిమాలో బాలీవుడ్ స్టార్ హీరోను విల‌న్‌గా న‌టింప చేయ‌డానికి శంక‌ర్ గ‌ట్టి ప్ర‌య‌త్నాలే చేస్తున్నాడ‌ట‌. ఇంత‌కీ ఆ హీరో ఎవ‌రో కాదు.. ర‌ణ్వీర్ సింగ్‌. బాలీవుడ్‌లో హీరోగానే కాదు, ప‌ద్మావ‌త్ సినిమాలో నెగ‌టివ్ షేడ్‌లో న‌టించిన ర‌ణ్వీర్ సింగ్‌ను త‌న సినిమాలో విల‌న్‌గా న‌టింప చేస్తే బావుంటుంద‌నేది శంక‌ర్ ఆలోచ‌న‌గా క‌నిపిస్తుంది. మ‌రి శంక‌ర్ సినిమాలో న‌టించ‌డానికి ర‌ణ్వీర్ సింగ్ ఓకే అంటాడా? అనేది ఆస‌క్తిక‌రంగా మారింది. ఒక‌వేళ ర‌ణ్వీర్ ఓకే అంటే మాత్రం సినిమా నెక్ట్స్ రేంజ్ మూవీగా అంచ‌నాల‌ను పెంచుకుంటుంద‌న‌డంలో సందేహం లేదు.