விஜய், திரிஷா நடித்த ’கில்லி’ திரைப்படம் சமீபத்தில் ரீரிலீஸ் ஆன நிலையில் மிகப்பெரிய வரவேற்பை பெற்றது. இந்த படம் ரீரிலீசின் மூலம் 26 கோடி ரூபாய் வசூல் செய்ததாக செய்திகள் வெளியானது. இந்நிலையில், ’கில்லி’ படத்தின் ரீரிலீஸ் வசூல் சாதனையை பாலிவுட் திரைப்படம் முறியடித்ததாக தகவல்கள் வெளியாகியுள்ளன.

2018 ஆம் ஆண்டு பாலிவுட் திரையுலகில் வெளியான "தும்பாட்" என்ற திரைப்படம் பேராசை பெரும் நஷ்டம் என்ற நீதியை போதிக்கும் வகையில் உருவாக்கப்பட்டது. இந்த படத்தை ரஹி அணில் பர்வே இயக்கியிருந்தார்.

"தும்பாட்" திரைப்படம் செப்டம்பர் 13ஆம் தேதி ரீரிலீஸ் ஆனது, புதிய தொழில்நுட்பத்துடன் வெளியாகி ரசிகர்களால் கொண்டாடப்பட்டு வருகிறது. ரீரிலீஸ் ஆன பிறகு இரண்டு வாரங்களுக்குள், இந்த படம் ரூ.27 கோடிக்கு அதிகமாக வசூலித்துள்ளதாக கூறப்படுகிறது. இதன்மூலம், இந்திய அளவில் அதிக வசூல் செய்த ரீரிலீஸ் திரைப்படமாக "தும்பாட்" இருக்கிறது.

விஜய்யின் ’கில்லி’ படம் ரீரிலீசில் 26 கோடி ரூபாய் வசூல் செய்த நிலையில், "தும்பாட்" 27 கோடி ரூபாய் வசூலித்து உள்ளதாகவும் கூறப்படுகிறது.

கடந்த 2018ஆம் ஆண்டு வெளியான "தும்பாட்" படம் வெறும் 5 கோடி ரூபாய் பட்ஜெட்டில் தயாரிக்கப்பட்ட நிலையில் அப்போது இந்த படம் சுமார் 16 கோடி ரூபாய் வசூல் செய்திருந்தது குறிப்பிடத்தக்கது.