ప్రభాస్ తో బాలీవుడ్ హీరోయిన్...
- IndiaGlitz, [Saturday,May 13 2017]
యంగ్ రెబ‌ల్ స్టార్ ప్రభాస్ 'బాహుబలి2' స‌క్సెస్‌ను తెగ ఎంజాయ్ చేస్తున్నాడు. ఇప్పుడు అమెరికాలో స‌మ్మ‌ర్ వెకేష‌న్‌లో ఉన్న ప్రభాస్ స‌మ్మ‌ర్ త‌ర్వాత రెండు సినిమాల‌కు ప‌నిచేయ‌నున్నాడు. అందులో ఒక‌టి సుజిత్ ద‌ర్శ‌క‌త్వంలో సాహో కాగా, మ‌రో సినిమా జిల్ ఫేమ్ రాధాకృష్ణ ద‌ర్శ‌క‌త్వంలో తెర‌కెక్క‌నుంది. సాహో సినిమా అల్రెడి స్టార్ట్ కావ‌డంతో సినిమా సెట్స్‌లోకి ముందుగా వెళుతుంది.
ఈ సినిమాకు సంబంధించిన ప్రీ ప్రొడ‌క్ష‌న్ వ‌ర్క్ శ‌ర‌వేగంగా జ‌రుగుతుంది. వినిపిస్తున్న వార్త‌ల ప్ర‌కారం ఈ సినిమాలో బాలీవుడ్ హీరోయిన్ క‌త్రినా కైఫ్‌ను న‌టింప చేయాల‌ని యూనిట్ వ‌ర్గాలు భావిస్తున్నాయ‌ట. తెలుగులో వెంక‌టేష్ మ‌ల్లీశ్వ‌రి, బాల‌కృష్ణ అల్ల‌రి పిడుగు సినిమాల త‌ర్వాత క‌త్రినా మ‌రే సినిమా చేయ‌లేదు. మ‌రి ఇప్పుడు స్టార్ హీరోయిన్ స్టేట‌స్‌ను ఎంజాయ్ చేస్తున్న క‌త్రినా టాలీవుడ్ హీరో ప్ర‌క్క‌న న‌టించ‌డానికి ఒప్పుకుంటుందా అని చూడాలి. సాహో తెలుగు, త‌మిళం, హిందీల్లో 150 కోట్ల బ‌డ్జెట్‌తో రూపొంద‌నుంది.