స్టైలిష్ స్టార్ అల్లు అర్జున్ అంటే న‌ట‌న‌తో పాటు స్ట‌న్నింగ్ డాన్స్ మూమెంట్స్‌కు పెట్టింది పేరు. సీన్‌లోకి ఎంట్రీ ఇచ్చే ముందు .. సీన్ త‌ర్వాత .. అల్లు అర్జున్ న‌ట‌న త‌న‌ను షాక్‌కి గురి చేసిందని అంటుంది బాలీవుడ్ భామ పారుల్ గులాటి. పంజాబీ చిత్రం `బుర్రా` ద్వారా న‌టిగా కెరీర్‌ను స్టార్ట్ చేసిన ఈ అమ్మ‌డు ఓ క‌మ‌ర్షియ‌ల్ యాడ్‌లో బ‌న్నితో క‌లిసి హైద‌రాబాద్‌లో న‌టించింది.

``సీన్‌లోకి ఎంట్రీ ఇచ్చే ముందు ఒక‌లా.. త‌ర్వాత బన్ని నార్మ‌ల్‌గా మారిపోతాడు. నేను బ‌న్ని డాన్సుల‌కు సంబంధించిన వీడియో క్లిప్స్ చూశాను. త‌ను అమేజింగ్ డాన్స‌ర్‌. నేను ద‌క్షిణాది చిత్రాల్లో ప‌నిచేయాల‌నుకుంటున్నాను. ఇక్క‌డ ఫిలిం మేక‌ర్స్ రియాలిటీకి ద‌గ్గ‌ర‌గా ఉన్నచిత్రాల‌ను తెర‌కెక్కిస్తున్నారు. తెలుగు సినిమాల‌కు సంబంధించిన చ‌ర్చ‌లు జ‌రుగుతున్నాయి`` అంటుంది పారుల్ గులాటి.