அஜித்தின் 'வலிமை' படத்தின் நாயகி குறித்த தகவல்
- IndiaGlitz, [Monday,December 09 2019]
அஜித் நடிப்பில் இயக்குனர் எச்.வினோத் இயக்கத்தில் போனிகபூர் தயாரிப்பில் உருவாகவுள்ள ‘வலிமை’ என்ற திரைப்படத்தின் அறிவிப்பு கடந்த அக்டோபர் மாதம் வெளிவந்தது. இதனை அடுத்து இந்த படத்தின் படப்பிடிப்பு விரைவில் தொடங்கும் என செய்திகள் வெளியாகிய நிலையில் தற்போது ஐதராபாத்தில் உள்ள ராமோஜிராவ் பிலிம் சிட்டியில் வரும் 13ம் தேதி முதல் படப்பிடிப்பு தொடங்க இருப்பதாக உறுதி செய்யப்பட்ட தகவல்கள் வெளிவந்துள்ளன
இந்த நிலையில் இந்த படத்தில் நயன்தாரா உள்பட ஒரு சில நடிகைகள் நாயகிக்காக பரிசீலனை செய்யப்பட்டது என்று கூறப்பட்டது. சமீபத்தில் நடிகை நயன்தாரா, போனிகபூரை சந்தித்ததால் இவர்தான் இப்படத்தின் நாயகியாக இருக்க அதிக வாய்ப்பு இருப்பதாக கருதப்பட்டது
இந்த நிலையில் தற்போது வெளிவந்துள்ள தகவலின்படி இந்த படத்தில் அஜித் ஜோடியாக பிரபல பாலிவுட் நடிகை ஒருவர் நடிக்க வாய்ப்பு இருப்பதாகவும் இது குறித்த பேச்சுவார்த்தைகள் நடைபெற்று வருவதாகவும் விரைவில் நாயகி குறித்த அதிகாரப்பூர்வமான அறிவிப்பு வெளிவரும் என்றும் கூறப்படுகிறது
யுவன் சங்கர் ராஜா இசையில், நீரவ்ஷா ஒளிப்பதிவு உருவாகவிருக்கும் இந்தப் படம் ஒரு அதிரடி ஆக்ஷன் படம் என்பதும் இந்த படத்தில் அஜீத் போலீஸ் கேரக்டரில் நடித்திருக்கிறார் என்பது குறிப்பிடத்தக்கது