చ‌ర‌ణ్ మూవీలో విల‌న్ బాలీవుడ్ హీరో..?
- IndiaGlitz, [Wednesday,October 14 2015]
మెగా ప‌వ‌ర్ స్టార్ రామ్ చ‌ర‌ణ్ బ్రూస్ లీ సినిమా త‌ర్వాత త‌మిళ్ సినిమా త‌ని ఒరువ‌న్ తెలుగు రీమేక్ లో న‌టిస్తున్న విషయం తెలిసిందే. ఈ చిత్రానికి సురేంద‌ర్ రెడ్డి ద‌ర్శ‌క‌త్వం వ‌హించ‌నున్నారు. ప్రస్తుతం స్ర్కిప్ట్ వ‌ర్క్ జ‌రుగుతోంది. వ‌చ్చే నెలలో ఈ సినిమా ప్రారంభించి..డిసెంబ‌ర్ నుంచి రెగ్యుల‌ర్ షూటింగ్ స్టార్ట్ చేయ‌డానికి ప్లాన్ చేస్తున్నారు.
ఇక అస‌లు విష‌యానికి వ‌స్తే.. ఈ సినిమా త‌మిళ వెర్ష‌న్ లో నెగిటివ్ రోల్ ను అర‌వింద్ స్వామి పోషించారు. ఆ పాత్ర‌ను తెలుగులో రానా పోషిస్తున్న‌ట్టు వార్తలు వ‌చ్చాయి. ఆత‌ర్వాత ఆ పాత్ర‌కు మాధ‌వ‌న్ పేరు వినిపించింది. అయితే ఇదే విషయం గురించి చ‌ర‌ణ్ ని అడిగితే..ఈ పాత్ర కోసం రానా, మాధ‌వ‌న్...ఇలా పెద్ద లిస్టే ఉంది. అలాగే బాలీవుడ్ హీరో వివేక్ ఒబిరాయ్ పేరు కూడా ప‌రిశీలిస్తున్నాం. త్వ‌ర‌లోనే ఆ పాత్ర‌ను ఎవ‌రు పోషించేది ఫైన‌ల్ చేస్తామ‌న్నారు. మ‌రి...చ‌ర‌ణ్ మూవీలో విల‌న్ గా బాలీవుడ్ హీరో వివేక్ ఒబిరాయ్ న‌టిస్తాడేమో చూడాలి.