ரஜினியின் '2.0' படத்தில் இணைந்த பிரபல இசையமைப்பாளர்
- IndiaGlitz, [Saturday,June 16 2018]
சூப்பர் ஸ்டார் ரஜினிகாந்த் நடிப்பில் பிரமாண்ட இயக்குனர் ஷங்கர் இயக்கத்தில் ஆஸ்கார் நாயகன் ஏ.ஆர்.ரஹ்மான் இசையமைப்பில் உருவாகி வரும் திரைப்படம் '2.0. இந்த படத்தின் கிராபிக்ஸ் காட்சிகளின் பணி தொடர்ந்து நடைபெற்று வருவதால் இந்த படத்தின் ரிலீஸ் தேதி அடுத்த ஆண்டுக்கு ஒத்தி வைக்கப்பட்டுள்ளதாக தெரிகிறது.
இந்த நிலையில் இந்த படத்தில் இடம்பெற்ற இரண்டு பாடல்கள் ஏற்கனவே துபாயில் நடந்த பிரமாண்டமான விழாவில் வெளியானது என்பது அனைவரும் அறிந்ததே. தற்போது இசையமைப்பாளர் ஏ.ஆர்.ரஹ்மான் புதியதாக ஒரு 'பறவை' பாடல் ஒன்றை கம்போஸ் செய்துள்ளார். இந்த பாடலை பாலிவுட்டின் பிரபல இசையமைப்பாளரும், ராப் பாடகருமான கைலாஷ்கர் என்பவர் பாடியுள்ளார். இந்த தகவலை கைலாஷ்கர் தனது சமூக வலைத்தளத்தில் புகைப்படத்துடன் பதிவு செய்துள்ளார். இவர் ஏற்கனவே தமிழில் 'பாகுபலி', 'உன் சமையல் அறையில்', 'ஆம்பள' உள்பட ஒருசில படங்களுக்காக பாடல்கள் பாடியுள்ளார் என்பது குறிப்பிடத்தக்கது.
ரஜினிகாந்த், அக்சய்குமார், எமி ஜாக்சன், சுதான்ஷி பாண்டே, அதுல் ஹூசைன், ரியாஸ்கான் உள்ளிட்ட பலர் நடித்துள்ள '2.0' படத்தை லைகா நிறுவனம் சுமார் ரூ.500 கோடி பட்ஜெட்டில் 3D தொழில்நுட்பத்தில் தயாரித்து வருகிறது. நீரவ் ஷா ஒளிப்பதிவில் அந்தோணி படத்தொகுப்பில் உருவாகியுள்ள இந்த படம் தமிழ், தெலுங்கு மற்றும் இந்தி ஆகிய மொழிகளில் அடுத்த ஆண்டு ரிலீஸ் ஆகும்