బాలీవుడ్ బ్యూటీతో నాగ్!
- IndiaGlitz, [Sunday,January 26 2020]
అక్కినేని నాగార్జున మ‌న్మ‌థుడు 2తో ప్రేమ‌లో తాను గ్రీకువీరుడున‌ని చెప్పుకోవాల‌నుకున్నాడు. కానీ ప్రేక్ష‌కులు నిర‌భ్యంత‌రంగా సినిమాను తోసిపుచ్చేశారు. అయితే వెంట‌నే ఏదో సినిమా చేసేయాల‌ని మాత్రం నాగార్జున అనుకోలేదు. చాలానే గ్యాప్ తీసుకున్నాడు. సీనియ‌ర్ హీరోలు చిరంజీవి, బాల‌కృష్ణ, వెంక‌టేశ్ వ‌రుస సినిమాలు చేస్తూనే ఉన్నా నాగార్జున సినిమా క‌థ‌ల‌ను వింటూ ఒక‌ప‌క్క.. బిగ్‌బాస్ రియాలిటీ షోలో పాల్గొని త‌న క్రేజ్‌ను పెంచుకునే ప‌నిచేశాడు. రీసెంట్‌గా రైట‌ర్ సాల్మోన్ ద‌ర్శ‌క‌త్వంలో కొత్త సినిమాను స్టార్ట్ చేసిన సంగతి తెలిసిందే.
'వైల్డ్ డాగ్' పేరుతో తెర‌కెక్కుతోన్న యాక్ష‌న్ థ్రిల్ల‌ర్ చిత్రంలో నాగ్.. ఎన్‌.ఐ.ఎ ఆఫీస‌ర్‌గా న‌టిస్తున్నాడు. ఇప్పటికే ఓ షెడ్యూల్ చిత్రీక‌ర‌ణ కూడా పూర్తి చేసుకుంది. ఈ సినిమాలో ముందు హీరోయిన్‌ని తీసుకోకూడ‌ద‌ని అనుకున్నారు. కానీ.. చివ‌ర‌కు బాలీవుడ్ హీరోయిన్ దియామీర్జాని తీసుకున్నారు. పెళ్లి త‌ర్వాత దియా మీర్జా.. సెకండ్ ఇన్నింగ్స్‌ను వెబ్ సిరీస్‌ల రూపంలో స్టార్ట్ చేసిన సంగతి తెలిసిందే. ఇప్పుడు మ‌ళ్లీ సినిమాల్లోకి అడుగుపెట్టింది. ఆమె న‌టిస్తోన్న తొలి తెలుగు సినిమా కూడా ఇదే. ఈ వేస‌విలో సినిమాను విడుద‌ల చేయ‌డానికి ద‌ర్శ‌క నిర్మాత‌లు ప్లాన్ చేస్తున్నారు.