ప్రభాస్ పక్కన బాలీవుడ్ బ్యూటీకే ప్రాధాన్యత..!
- IndiaGlitz, [Saturday,April 25 2020]
యంగ్ రెబ‌ల్‌స్టార్ ప్రభాస్ ప్ర‌స్తుతం త‌న 20 సినిమాను పూర్తి చేసే పనిలో బిజీగా ఉన్నాడు. అదే స‌మ‌యంలో త‌న 21వ సినిమాను నాగ్ అశ్విన్ ద‌ర్శ‌క‌త్వంలో వైజ‌యంతీ మూవీస్ బ్యాన‌ర్‌పై సినిమా చేయ‌డానికి రెడీ అయ్యాడు. అంతా స‌జావుగానే సాగుతున్న‌స‌మ‌యంలో కరోనా వైర‌స్ ప్ర‌భావంతో ప్రభాస్ 20వ సినిమా షూటింగ్ ఆగింది. ఈలోపు ప్రభాస్ 21కి సంబంధించిన ప్రీ ప్రొడక్షన్ పనులను పూర్తి చేసే పనిలో దర్శక నిర్మాతలున్నారు. పాన్ ఇండియా కాదు.. వరల్డ్ సినిమాగా ఈ సినిమాను ప్లాన్ చేస్తున్నామని దర్శకుడు నాగ్ అశ్విన్ తెలియజేసిన సంగతి తెలిసిందే.ఈ సినిమాలో ప్రభాస్ జ‌త‌గా దీపికా ప‌దుకొనెను న‌టింప చేయాలని నిర్మాత‌లు భావించి ఆమెను సంప్ర‌దించార‌ట. అందుకు దీపికా దాదాపు రూ.20 కోట్లను డిమాండ్ చేసిందట. దీంతో నిర్మాత‌లు హిందీతో పాటు తెలుగు ప్రేక్షకులు సుపరిచితురాలైన కియారా అద్వానీతో సంప్రదింపులు చేస్తున్నారట. మరి బిజీ బిజీగా ఉండే కియారా ప్రభాస్ పక్కన నటించేందుకు ఓకే చెబుతుందో లేదో చూడాలి.
మరో పక్క ప్రబాస్ 20కి ‘రాధేశ్యామ్’ లేదా ‘ఓ డియర్’ అనే పేర్లు పరిశీలనలో ఉన్నాయట. పూజాహెగ్డే హీరోయిన్‌గా నటిస్తోన్న ఈ చిత్రం పీరియాడికల్ లవ్‌స్టోరిగా తెరకెక్కుతోంది. ఇప్పటికే సగానికిపైగానే చిత్రీకరణ పూర్తయ్యింది. ఈ సినిమాను దసరాకు విడుదల చేయాలని అనుకున్నారు. ప్రభాస్ అండ్ టీమ్ స్పీడుకు కరోనా బ్రేకులేసింది. అయితే జార్జియాలో కీలక షెడ్యూల్ పూర్తి కావడంతోలాక్డౌన్ సమయానికి అంతా టీమ్ ఇండియా చేరుకున్నారు. మిగిలిన షెడ్యూల్‌ను సెట్స్ వేసి చిత్రీకరించాలని ప్లాన్ చేస్తున్నారు.