బాలీవుడ్ అతిథిగా
- IndiaGlitz, [Tuesday,June 27 2017]
'బాహుబలి' చిత్రంతో ప్రపంచ ప్రేక్షకులి తనవైపు తిప్పుకున్న ప్రభాస్‌ కోసం దర్శకనిర్మాతలు క్యూ కడుతున్నారు. ఈ విషయంలో ఎలాంటి అతిశయోక్తి లేదు. అతనితో ఒక్క సినిమా అయినా చెయ్యాలని హీరోయిన్లు కూడా ఆరాటపడుతున్నారు. కానీ, తను మాత్రం సినిమాల ఎంపిక విషయంలో జాగ్రత్తగా వ్యవహరిస్తున్నాడు. ప్రస్తుతం సుజీత్‌ దర్శకత్వంలో 'సాహో' చిత్రంలో నటిస్తున్నాడు.
ఇదిలా వుంటే ప్రభాస్‌ ఓ బాలీవుడ్ సినిమాలో అతిథిగా కనిపించనున్నాడన్న వార్త వినిపిస్తోంది. ప్రభుదేవా, తమన్నా, భూమిక ప్రధాన పాత్రల్లో చక్రి తోలేటి దర్శకత్వంలో 'ఖామోషి' పేరుతో ఓ చిత్రం రూపొందుతోంది. ఈ చిత్రంలో ఓ అతిథి పాత్రలో ప్రభాస్‌ నటించబోతున్నాడట. అతన్ని ఈ విషయంలో ఒప్పించేందుకు చిత్ర యూనిట్‌ తెగ కష్టపడుతోందని తెలుస్తోంది. ప్రభాస్‌ ఈ విషయంలో ఎలా స్పందిస్తాడో మరి!