பிரபல இயக்குனர் கௌதம் மேனன் இயக்கும் அடுத்த திரைப்படத்தில் கோலிவுட் மற்றும் பாலிவுட் பிரபல ஹீரோக்கள் நடிக்க இருப்பதாக தகவல் வெளியாகியுள்ளன.

தமிழ் திரை உலகின் ஸ்டைலிஷான இயக்குனர்களில் ஒருவர் கௌதம் மேனன் என்பதும் சமீபத்தில் இவரது இயக்கத்தில் வெளியான ’வெந்து தணிந்தது காடு’ என்ற திரைப்படம் நல்ல வரவேற்பு பெற்றது என்பது தெரிந்ததே.

தற்போது விக்ரம் நடித்த ’துருவ நட்சத்திரம்’ என்ற திரைப்படத்தின் இறுதி கட்ட பணியில் இருக்கும் கௌதம் மேனன், ‘வெந்து தணிந்தது காடு’ திரைப்படத்தின் இரண்டாம் பாகத்தையும் விரைவில் இயக்க இருப்பதாக கூறப்படுகிறது.

இந்த நிலையில் கௌதம் மேனன் இயக்க இருக்கும் அடுத்த திரைப்படத்தில் கோலிவுட் பிரபல நடிகர் விஜய் சேதுபதி மற்றும் பாலிவுட் பிரபா நடிகர் அபிஷேக் பச்சன் ஆகிய இருவரும் இணைந்து நடிக்க இருப்பதாக கூறப்படுகிறது. இந்த படத்தின் கதையை இருவரிடமும் கெளதம் மேனன் கூறி ஒப்புதல் பெற்று விட்டதாகவும் விரைவில் இந்த படத்தின் அறிவிப்பு வெளியாகும் என்றும் கூறப்படுகிறது.

விஜய் சேதுபதி மற்றும் அபிஷேக் பச்சன் நடிப்பில் உருவாகும் இந்த படம் நிச்சயம் ஒரு பான் இந்திய படமாக தான் இருக்கும் என்றும் இந்த படத்திற்கு இந்தியா முழுவதும் நல்ல வரவேற்பு இருக்கும் என்று கூறப்படுகிறது. இந்த படம் குறித்த மேலும் சில விவரங்கள் விரைவில் வெளியாகும் என்று எதிர்பார்க்கப்படுகிறது.