உலக நாயகன் கமலஹாசனுடன் பிரபல பாலிவுட் மற்றும் ஹாலிவுட் நடிகை ஜோடி சேர இருப்பதாக தகவல்கள் வெளிவந்துள்ளது.

உலக நாயகன் கமல்ஹாசன் நடிப்பில், பிரம்மாண்ட இயக்குனர் ஷங்கர் இயக்கத்தில் உருவாகி வரும் திரைப்படம் ’இந்தியன் 2’. இந்த படத்தின் படப்பிடிப்பு கடந்த சில ஆண்டுகளாக தாமதமான நிலையில் தற்போது மீண்டும் இம்மாத இறுதியில் இப்படத்தின் படப்பிடிப்பு தொடங்க உள்ளதாக தகவல் வெளியாகியுள்ளது. மேலும் கமல்ஹாசன் இந்த படத்தின் பயிற்சிக்காக அமெரிக்கா சென்றுள்ளார் என்பதும் குறிப்பிடத்தக்கது.

இந்த நிலையில் இந்த படத்தில் நாயகியாக நடித்த காஜல் அகர்வால், திருமணமாகி செட்டிலாகிவிட்டதால் அவர் இந்த படத்திலிருந்து விலகிவிட்டதாக கூறப்படுகிறது. இதனை அடுத்து காஜல் அகர்வாலுக்கு பதிலாக பாலிவுட், ஹாலிவுட் திரையுலகின் முன்னணி நடிகை தீபிகா படுகோனே இந்த படத்தில் நடிக்க பேச்சுவார்த்தை நடந்து வருவதாகவும் கூறப்படுகிறது. ஏற்கனவே ரஜினிகாந்த் நடித்த ’கோச்சடையான்’ திரைப்படத்தில் நடித்த தீபிகா படுகோன் கமல்ஹாசனின் ’இந்தியன் 2’ படத்திலும் நடிப்பார் என்று எதிர்பார்க்கப்படுகிறது.

அதுமட்டுமின்றி ’இந்தியன் 2’ படத்தில் முக்கிய கேரக்டரில் நடித்து வந்த நெடுமுடி வேணு மற்றும் விவேக் ஆகிய இருவரும் காலமாகிவிட்டதை அடுத்து அவர்களுக்கு பதிலாக மாற்று நடிகர்களை ஏற்பாடு செய்யும் பணியிலும் இயக்குனர் ஷங்கர் உள்பட படக்குழுவினர் உள்ளனர் என்பது குறிப்பிடத்தக்கது.