நிர்வாண போஸ் கொடுத்து பெண்களுக்கு நல்லது செய்திருக்கிறார்: ரன்வீர் குறித்து பிரபல நடிகை
- IndiaGlitz, [Monday,August 01 2022]
பிரபல பாலிவுட் நடிகரும் நடிகை தீபிகா படுகோனின் கணவருமான ரன்வீர் சிங் சமீபத்தில் நிர்வாண புகைப்படம் வெளியிட்டதால் பெரும் சர்ச்சை ஏற்பட்டது. அவர் மீது ஒரு சில வழக்குகள் பதிவு செய்யப்பட்டுள்ளது என்பதும் குறிப்பிடத்தக்கது. ஆனால் அதே நேரத்தில் பாலிவுட் திரை உலகைச் சேர்ந்த பலர் அவருக்கு ஆதரவு அளித்து வருகின்றனர் என்பதும் அவரது நிர்வாண போஸில் எந்தவிதமான ஆபாசம் இல்லை என்றும் கூறிவருகின்றனர்.
ஏற்கனவே ரன்வீர்சிங்கிற்கு ஆதரவாக வித்யாபாலன், ஆலியா பட் போன்ற பிரபல நடிகைகள் குரல் கொடுத்த நிலையில் அவருக்கு தனது ஆதரவை தெரிவிக்கும் வகையில் தமிழ் நடிகர் விஷ்ணு விஷால் தன்னுடைய டுவிட்டர் பக்கத்தில் நிர்வாணமாக போட்டோ ஷூட் புகைப்படத்தை வெளியிட்டார் என்பது குறிப்பிடத்தக்கது.
இந்த நிலையில் பிரபல பாலிவுட் நடிகை ராக்கி சாவந்த், ரன்வீர் சிங்கின் நிர்வாண புகைப்படத்திற்கு ஆதரவு தெரிவித்துள்ளார். அவர் சமீபத்தில் தான் துபாயிலிருந்து நாடு திரும்பியதாகவும் இங்கு எங்கு பார்த்தாலும் ரன்வீர்சிங்கின் நிர்வாண போஸ் குறித்து செய்தி வெளியாகி கொண்டிருப்பதாகவும், என்னை கேட்டால், அவர் நிர்வாண போஸ் கொடுத்து நமது நாட்டு பெண்களுக்கு நல்லது செய்து இருக்கிறார் என்றும் அவர் தொடர்ந்து நிர்வாண போட்டோஷூட் நடத்த வேண்டும் என்றும் அவரை அப்படி பார்க்கத்தான் நான் ஆசைப்படுகிறேன் என்று கூறியுள்ளார். அவரது இந்த வீடியோ தற்போது வைரல் ஆகி வருகிறது.