ఉయ్యాలా జంపాలా నుండి ఈడోర‌కం ఆడోర‌కం వర‌కు వ‌రుస విజయాలు సాధించిన యంగ్ హీరో రాజ్ త‌రుణ్ త్వ‌ర‌లోనే హిట్ చిత్రాల ద‌ర్శ‌కుడు మారుతి చిత్రంలో న‌టించబోతున్నాడు. అయితే ఈ చిత్రానికి మారుతి క‌థ‌, స్క్రీన్‌ప్లేను అందిస్తున్నాడ‌ట‌. ఈ చిత్రాన్ని సంజ‌నారెడ్డి అనే లేడీ డైరెక్ట‌ర్ హ్యండిల్ చేయ‌నుంది. గ‌తంలో సంజ‌నారెడ్డి రాంగోపాల్ వ‌ర్మ ద‌గ్గ‌ర ద‌ర్శ‌క‌త్వ శాఖ‌లో ప‌నిచేసింది. రొమాంటిక్ కామెడి కాన్సెప్ట్‌తో ఈ సినిమా తెర‌కెక్కనుంది.

ఈ చిత్రంలో న‌టకిరిటీ రాజేంద్ర‌ప్ర‌సాద్ కీల‌క‌పాత్ర‌లో న‌టించ‌బోతున్నాడ‌ట‌. ఈ చిత్రంలో బాలీవుడ్ హీరోయిన్ అమైరా ద‌స్త‌ర్ హీరోయిన్‌గా న‌టిస్తుంది. ఇప్ప‌టికి రెండు, మూడు సార్లు తెలుగు నిర్మాత‌లు ఈ అమ్మ‌డుని తెలుగులో న‌టింప‌చేయాల‌నుకున్నారు కానీ కుద‌ర‌లేదు. కానీ ఇప్పుడు రాజ్‌త‌రుణ్ సినిమాలో న‌టించడం దాదాపు ఓకే అయిన‌ట్టేన‌ని విశ్వ‌స‌నీయ‌వ‌ర్గాల స‌మాచారం. ప్రాజెక్ట్‌పై అమైరా ద‌స్త‌ర్ సైన్ చేయాల్సి ఉంది. గ‌తంలో ధ‌నుష్ న‌టించిన త‌మిళ డ‌బ్బింగ్ వెర్ష‌న్ అనేకుడు చిత్రంలో అమైరా మంచి న‌ట‌న‌తో మెప్పించింది.