தல என்று அன்புடன் அழைக்கப்படும் இந்திய கிரிக்கெட் அணியின் முன்னாள் கேப்டன் தோனியின் வாழ்க்கை வரலாறு திரைப்படத்தில் தோனி கேரக்டரில் நடித்த நடிகர் சுசாந்த் சிங் ராஜ்புத் தற்கொலை செய்து கொண்டதாக வெளிவந்துள்ள தகவல் பெரும் அதிர்ச்சியை ஏற்படுத்தியுள்ளது

MS Dhoni, The untold story' என்ற தல தோனியின் வாழ்க்கை வரலாறு திரைப்படம் கடந்த 2016ஆம் ஆண்டு வெளிவந்தது. இந்தத் திரைப்படம் உலகம் முழுவதும் சூப்பர் ஹிட் வெற்றி பெற்றது என்பது தெரிந்ததே

இந்த நிலையில் இந்த திரைப்படத்தில் தோனியின் கேரக்டரில் நடித்திருந்த பிரபல பாலிவுட் நடிகர் சுசாந்த் சிங் ராஜ்புத் திடீரென தனது வீட்டில் தூக்கு மாட்டி தற்கொலை செய்து கொண்டதாக தகவல்கள் வெளிவந்து கொண்டிருக்கிறது

நடிகர் சுசாந்த் சிங் ராஜ்புத் தற்கொலை செய்தியைக் கேட்டு பாலிவுட் திரையுலகம் அதிர்ச்சி அடைந்துள்ளது. அவர் கடந்த சில நாட்களாக மன அழுத்தத்தில் இருந்ததாகவும் அதனால் அவர் திடீரென தூக்கில் தொங்கி தற்கொலை செய்து கொண்டதாகவும் முதல் கட்ட தகவல்கள் வெளிவந்திருக்கின்றன. நடிகர் சுசாந்த் சிங் ராஜ்புத் தற்கொலையால் அவரது ரசிகர்கள் அதிர்ச்சியில் மூழ்கியுள்ளனர்