பாலிவுட்டின் பழம்பெரும் நடிகர் ரிஷிகபூர் நேற்றிரவு உடல்நலக்குறைவு காரணமாக மும்பையில் உள்ள மருத்துவமனையில் அனுமதிக்கப்பட்டிருந்த நிலையில் சற்றுமுன் அவர் சிகிச்சையின் பலனின்றி காலமானார் என செய்தி வெளிவந்துள்ளது. இந்த செய்தியை அவரது குடும்பத்தினர் உறுதி செய்துள்ளனர்.

67 வயதான ரிஷிகபூர் கடந்த ராஜ்கபூரின் ‘மேரே நாம் ஜோக்கர்’ என்ற படத்தில் குழந்தை நட்சத்திரமாக கடந்த 1970ஆம் ஆண்டு அறிமுகமாகி, முதல் படத்திலேயே சிறந்த குழந்தை நட்சத்திரத்திற்கான தேசிய விருதை பெற்றார். அதன்பின்னர் ’பாபி’ உள்பட பல திரைப்படங்களில் ரிஷிகபூர் நடித்து பாலிவுட்டின் சூப்பர் ஸ்டாராக விளங்கினார்.

இந்த நிலையில் ரிஷிகபூர் மறைவிற்கு ஏராளமான பாலிவுட் நடிகர்கள் இரங்கல் தெரிவித்து வரும் நிலையில் சூப்பர் ஸ்டார் ரஜினிகாந்த் மற்றும் உலக நாயகன் கமல்ஹாசன் ஆகியோர்கள் தங்களது சமூக வலைத்தளங்களில் இரங்கல் தெரிவித்துள்ளனர். எனது மிகச்சிறந்த நண்பர் ரிஷிகபூர் மறைவு கேட்டு என் இதயம் நொறுங்கியது, அவரது ஆன்மா சாந்தி அடையட்டும்’ என்று ரஜினிகாந்த் தெரிவித்துள்ளார்.

ரிஷிகபூர் மறைந்துவிட்டார் என்பதை நம்பவே முடியவில்லை. எப்போதும் புன்னகையுடன் உள்ளவர். நாங்கள் இருவரும் அன்பையும் மரியாதையும் அடிக்கடி பரிமாறி கொள்வோம். எனது சிறந்த நண்பரை இழந்துவிட்டேன். அவரது குடும்பத்தினர்களுக்கு எனது இரங்கல்கள்’ என்று கமல்ஹாசன் தெரிவித்துள்ளார்.

Cant believe it. Chintu ji @chintskap. (Mr.Rishi Kapoor) was always ready with a smile. We had mutual love and respect. Will miss my friend. My heartfelt condolence to the family.

— Kamal Haasan (@ikamalhaasan) April 30, 2020

Heartbroken ... Rest In Peace ... my dearest friend #RishiKapoor

— Rajinikanth (@rajinikanth) April 30, 2020