'ఇండియ‌న్ 2' లో బాలీవుడ్ యాక్టర్
- IndiaGlitz, [Monday,August 06 2018]
స్టార్ డైరెక్ట‌ర్ శంకర్ త‌న సినిమాల‌కు హైప్ తీసుకు రావ‌డంలో చాలా ప్ర‌ణాళిక‌లు వేస్తుంటాడు. ఈయ‌న పెట్టించే భారీ బ‌డ్టెట్‌ను బాక్సాఫీస్ ద‌గ్గ‌ర వ‌సూలు చేసుకోవాలంటే ఆ మాత్రం ప్లానింగ్ అవ‌స‌రం. ఇప్పుడు ఈయ‌న డైరెక్ట్ చేసిన చిత్రం 2.0 ఈ సినిమా కోసం 400 కోట్ల రూపాయ‌ల‌కు పైగా ఖ‌ర్చు అయ్యింది.
ఈ మొత్తాన్ని రాబ‌ట్టుకోవ‌డానికి ఇందులో అక్ష‌య్‌కుమార్‌ను విల‌న్‌గా న‌టింప‌చేశాడు శంకర్. తాజాగా శంకర్ చేయ‌బోయే ఇండియ‌న్ 2 సినిమాలో కూడా శంకర్ ఇదే ఫార్ములానే ఫాలో అవుతున్నాడు. అందులో భాగంగా బాలీవుడ్ యాక్టర్ అజ‌య్ దేవ‌గ‌ణ్‌ను విల‌న్‌గా న‌టింప చేసే దిశ‌గా ప్ర‌ణాళిక‌లు వేస్తున్నాడు శంకర్. త్వ‌ర‌లోనే ఈ విష‌యంపై ఓ క్లారిటీ రానుంది.