'காப்பான்' பட நடிகரின் தாயார் காலமானார்: திரையுலகினர் இரங்கல்
- IndiaGlitz, [Thursday,June 10 2021]
சூர்யா நடித்த ’காப்பான்’ திரைப்படத்தில் நடித்த நடிகர் ஒருவரின் தாயார் காலமானதை அடுத்து திரையுலகினர் இரங்கல் தெரிவித்து வருகின்றனர்.
சூர்யா நடித்த ’காப்பான்’ என்ற திரைப்படத்தில் தொழில் அதிபர் வேடத்தில் நடித்திருந்தவர் பொம்மன் இரானி என்பது தெரிந்ததே. இவரது தாயார் ஜர்பானு இரானி என்பவர் நேற்று காலமானார். அவருக்கு வயது 94. வயது முதிர்வு காரணமாக அவர் காலமானதாக அறிவிக்கப்பட்டுள்ளது.
பாலிவுட்டில் ’3 இடியட்’ ’முன்னாபாய்’ உள்பட பல திரைப்படங்களில் நடித்துள்ள பொம்மன் இரானி தமிழில் சூர்யா நடிப்பில் கேவி ஆனந்த் இயக்கத்தில் உருவான ’காப்பான்’ திரைப்படத்தில் நடித்திருந்தார். இந்த திரைப்படத்தில் அவரது கேரக்டர் மிகப் பெரிய அளவில் பேசப்பட்டது என்பது குறிப்பிடத்தக்கது.
இந்த நிலையில் பொம்மன் இரானி தனது தாயார் மறைவு குறித்து தனது இன்ஸ்டாகிராம் பக்கத்தில் தனது தாயார் தனக்கு கடந்த பல வருடங்களாக தாயும் தந்தையுமாக இருந்தவர் என்று நெகிழ்ச்சியுடன் பதிவு செய்துள்ளார்.