త‌మిళంలో విజ‌య్ క‌త్తి చిత్రంలో విల‌న్‌గా న‌టించిన బాలీవుడ్ న‌టుడు నీల్ నితిన్ ముఖేష్‌కు ఇప్పుడు టాలీవుడ్ నుండి వ‌రుస అవ‌కాశాలు వ‌స్తున్నాయి. ప్ర‌భాస్‌, సుజిత్ కాంబినేష‌న్‌లో రూపొంద‌నున్న సాహో చిత్రంలో నీల్ విల‌న్‌గా నటిస్తాడ‌ని వార్త‌లు వినిపించిన నేప‌థ్యంలో యంగ్ టైగ‌ర్ ఎన్టీఆర్ హీరోగా బాబి ద‌ర్శ‌కత్వంలో రూపొందుతోన్న `జై ల‌వ‌కుశ` చిత్రంలో కూడా నీల్ విల‌న్‌గా న‌టించ‌బోతున్నాడ‌ట‌.

త‌న క్యారెక్ట‌ర్ న‌చ్చ‌డంతో నీల్ కూడా సినిమాలో న‌టించ‌డానికి ఆస‌క్తిని క‌న‌ప‌రిచాడ‌ని సినిమాలో కూడా నీల్ విల‌న్‌గానే న‌టిస్తాడ‌ని వార్త‌లు విన‌పడ్డాయి. అయితే యూనిట్‌ మాత్రం నీల్ జై ల‌వ‌కుశ‌లో చేయ‌డం లేద‌ని తేల్చి చెప్పేసింద‌ట‌. త్రిపాత్రాభిన‌యం చేస్తున్న ఈ సినిమాను నంద‌మూరి క‌ల్యాణ్ రామ్ నిర్మిస్తున్నాడు. రాశిఖ‌న్నా, నివేదా థామ‌స్‌, నందిత‌రాజ్‌లు హీరోయిన్స్‌గా న‌టిస్తున్నారు.