கமல்ஹாசன் - ஸ்ருதிஹாசன் படத்தில் இணைந்த பாஜக எம்.பி
- IndiaGlitz, [Saturday,February 13 2016]
'தூங்காவனம்' படத்தை அடுத்து கமல்ஹாசன் தனது மகள் ஸ்ருதிஹாசனுடன் இணைந்து ஒரு படத்தில் நடிக்கவுள்ளதாக வந்த செய்தி உறுதியாகியுள்ளது என்பதை ஏற்கனவே பார்த்தோம். இந்த படத்தில் ஸ்ருதிஹாசன் கமல்ஹாசனின் மகளாகவும், ரம்யா கிருஷ்ணன், மனைவியாகவும் நடிக்கவுள்ளதாக கூறப்படுகிறது.
இந்நிலையில் இந்த படத்தில் தற்போது பாலிவுட்டின் பிரபல நடிகர் பரேஷ் ராவல் (Paresh Rawal) இணைந்துள்ளார். தமிழ், தெலுங்கு, மற்றும் இந்தி ஆகிய மொழிகளில் உருவாகவுள்ள இந்த படத்தின் இந்தி மார்க்கெட்டுக்கு இவருடைய இணைப்பு உதவியாக இருக்கும் என்பது குறிப்பிடத்தக்கது.
இவர் பாலிவுட்டின் பிரபல நடிகர் மட்டுமின்றி கடந்த லோக்சபா தேர்தலில் அகமதாபாத் தொகுதியில் பாரதிய ஜனதா கட்சியின் சார்பில் போட்டியிட்டு வெற்றி பெற்ற எம்.பியும் என்பது குறிப்பிடத்தக்கது.