நடிகர் விஷ்ணு விஷால் நடித்த ’ராட்சசன்’ திரைப்படம் கடந்த 2018ஆம் ஆண்டு வெளியானது என்பதும் இந்த திரைப்படம் மிகப்பெரிய வெற்றியை பெற்று விஷ்ணு விஷாலுக்கு தமிழ் திரையுலகில் முன்னணி நடிகர் பட்டியலில் இடம் கிடைத்தது என்பதும் தெரிந்ததே

இந்த நிலையில் இந்த படம் ஏற்கனவே ஒரு சில மொழிகளில் ரீமேக் செய்யப்பட்டு வருகிறது. குறிப்பாக தெலுங்கில் பெல்லம்கொண்டா சீனிவஸ், விஷ்ணுவிஷால் வேடத்தில் நடித்து வருகிறார். இந்த நிலையில் ஹிந்தியில் இந்த படத்தை ரீமேக் செய்யும் பணி கடந்த சில மாதங்களாக நடைபெற்று வந்த்து. இந்த படத்தில் ஆயுஷ்மான் குரானா, விஷ்ணு விஷால் வேடத்தில் நடிக்க இருப்பதாக கூறப்பட்டு அதற்கான பணிகள் தொடங்கப்பட்டது

இந்த நிலையில் ’ராட்சசன்’ ஹிந்தி ரீமேக்கில் திடீர் திருப்பம் ஏற்பட்டுள்ளது. இதன்படி ’ராட்சசன்’ ஹிந்தி ரீமேக்கில் ஆயுஷ்மான் குரானாவுக்கு பதிலாக அக்ஷய்குமார், விஷ்ணுவிஷால் கேரக்டரில் நடிக்க இருப்பதாகவும், அதுமட்டுமன்றி அவரே இந்த படத்தை தயாரிக்க இருப்பதாகவும் கூறப்படுகிறது. மேலும் பிரபல பாலிவுட் இயக்குனர் ரமேஷ் வர்மா இந்த படத்தை இயக்க இருப்பதாகவும் இது குறித்த அதிகாரப்பூர்வ அறிவிப்பு விரைவில் வெளிவரும் என்றும் கூறப்படுகிறது.