షర్ట్ లేకుండా ఆయనతో నటించాలని ఉంది: బోల్డ్ భామ
- IndiaGlitz, [Friday,March 08 2019]
‘బిగ్బాస్’ ఫేమ్, బోల్డ్ భామ జ్యోతి గురించి ప్రత్యేకించి మరీ చెప్పనక్కర్లేదు. ఆమె చేసిన సినిమాలు చాలా తక్కువే అయినా.. ‘హంగామా’, ‘పెళ్లం ఊరెళ్తే’, ‘అందరూ దొంగలే’ లాంటి చిత్రాలతో మంచి పేరు సంపాదించుకుంది. ఇక అప్పడప్పుడు ఎలాగో కన్నడ, మలయాళ సినిమాల్లో తళుక్కుమంటుంటది. సినిమాల్లో ఉన్నంత వరకూ చేసింది అడపాదడపా పాత్రలే అయినా మంచి గుర్తింపే సంపాదించుకుంది. ఎప్పుడైతే బిగ్బాస్ హౌస్‌‌లో అడుగుపెట్టిందో అప్పట్నుంచి దశ తిరుగుతుందని భావించింది. అయితే ఆశించినంతగా అవకాశాలు రాలేదు. ఇదిలా అప్పడప్పుడు ఇంటర్వ్యూల్లో బాగా హడావుడి చేస్తూ ‘నేనూ ఇండస్ట్రీలో ఉన్నాను’ అని గుర్తు చేస్తుంటుంది. మరోవైపు బోల్డ్ కామెంట్స్ చేస్తూ యూ ట్యూబ్‌ ఛానెల్స్కు మంచి మసాలా ఇస్తోంది జ్యోతి. తాజాగా ఓ ఇంటర్వ్యూలో ఈ బోల్డ్ భామ మాట్లాడుతూ పవన్ కల్యాణ్, నాని, విజయ్ దేవరకొండ ప్రస్తావన తెచ్చింది.
పవన్‌‌తో నటించాలని ఉంది కానీ..
నాకు పవన్ కళ్యాణ్‌తో నటించాలని ఎప్పట్నుంచో ఉంది.. (సిగ్గుపడుతూ..). ఇప్పుడైతే పవన్ పొలిటికల్‌గా బిజీ అయ్యారు. ప్రస్తుతం ఉన్న వాళ్లలో అర్జున్ రెడ్డి హీరో విజయ్ దేవరకొండతో నటించాలని ఉంది. ఆయన షర్ట్ లేకుండా నాతో నటించాలని ఉంది. అదో పిచ్చి అంతే. నాకు నచ్చిన హీరో విజయ్. మొన్నటి వరకూ నాని అంటే ఇష్టం ఉండేది. విజయ్ వచ్చాక ఛేంజ్ అయిపోయాను అని తన మనసులో బోల్డ్ కోరికను జ్యోతి చెప్పుకొచ్చింది. అంతేకాదు.. తనకు నచ్చిన సినిమా నచ్చిన సినిమా విజయ్ ‘గీత గోవిందం’ అని జ్యోతి చెప్పింది.
అంతటితో ఆగని ఈ భామ.. హీరోయిన్స్‌లో ఎవరంటే ఇష్టం అని అడగ్గా.. హీరోయిన్స్ నా? ఇప్పుడు ఎవరున్నారబ్బా.. అంటూ డార్క్ ఫేస్ పెట్టి నాకెవరూ గుర్తుకు రావట్లేదంటూ చెప్పింది. మొత్తానికి చూస్తే సినిమా ఛాన్స్‌లు తక్కువయ్యే సరికి.. ఇలా బోల్డ్ కామెంట్స్ చేస్తూ స్క్రీన్‌పై గట్టిగానే ఈ బోల్డ్ భామ హడావుడి చేస్తోందన్న మాట.