பிரபல ஹாலிவுட் நடிகை அதியா ஷிபானியை அவரது காதலரே கொலை செய்து புதைத்திருக்கலாம் என போலீசார் சந்தேகம் அடைந்துள்ளனர்.

மாசிடோனியாவை சேர்ந்த 25 வயது நடிகை ஷிபானி, ஒருசில ஹாலிவுட் படங்களில் நடித்துள்ளார். லாஸ் ஏஞ்சல்ஸ் நகரில் தங்கியிருந்த அவருக்கு கிறிஸ்டோபர் என்ற காதலர் இருப்பதாக கூறப்படுகிறது. இந்த நிலையில் கடந்த பிப்ரவரி முதல் திடீரென நடிகை அதியாவை காணவில்லை. இதுகுறித்து புகாரின் அடிப்படையில்  விசாரணை செய்த போலீசார் அவர் தங்கியிருந்த இடத்தில் இருந்து சுமார் 600 கிமீக்கும் அப்பால் இருந்த காட்டுப்பகுதியில் அவரது பிணத்தை போலீசார் கண்டுபிடித்தனர்.

அதியாவின் உடலில் காயம் இருந்ததால் அவர் அடித்து கொலை செய்யப்பட்டிருப்பார் என்பது உறுதியானது. இந்த நிலையில் அதியாவின் கொலைக்கு அவரது காதலர் கிறிஸ்டோபர் காரணமாக இருக்கலாம் என்று சந்தேகப்பட்டு அவரிடம் விசாரணை நடத்தப்பட்டது. ஆனால் தாங்கள் இருவரும் காரில் சென்று கொண்டிருந்ததாகவும், அப்போது இருவருக்கும் வாக்குவாதம் ஏற்பட்டதால் அதியாவை பாதி வழியில் இறக்கிவிட்டு தான் மட்டும் சென்றுவிட்டதாக கிறிஸ்டோபர் கூறினார்.

மேலும் இதுகுறித்து விசாரணை செய்ய கிறிஸ்டோபரை காவல்நிலையம் அழைத்து செல்லும் வழியில் அவர் திடீரென துப்பாக்கியால் தன்னைத்தானே சுட்டு தற்கொலை செய்துகொண்டார். இதனால் பெரும் பரபரப்பு ஏற்பட்டுள்ளது.