தப்பிப் பிழைத்தது பாபிசிம்ஹா படம்
- IndiaGlitz, [Sunday,May 08 2016]
ஜிகர்தண்டா' படத்தின் மூலம் தேசிய விருது பெற்ற பாபிசிம்ஹா தற்போது கோலிவுட்டின் முன்னணி நடிகர்களில் ஒருவராக உருவாகி வருகிறார். ஒரே நேரத்தில் பல திரைப்படங்களில் நடித்து வரும் பாபிசிம்ஹா, நடித்த படங்களில் ஒன்று 'மெட்ரோ'.
பாபிசிம்ஹா, சிரிஷ், செண்ட்ராயன், சத்யா, யோகிபாபு உள்ளிட்ட பலர் நடித்துள்ள இந்த படத்தை அனந்தகிருஷ்ணன் இயக்கியுள்ளார். இந்த படம் சமீபத்தில் சென்சாருக்கு சென்றபோது இந்த படத்தில் மிக அதிகளவில் வன்முறை காட்சிகள் இருப்பதாக கூறி இந்த படத்திற்கு சென்சார் சர்டிபிகேட் கொடுக்க சென்சார் அலுவலக அதிகாரிகள் மறுத்துவிட்டனர்.
இந்நிலையில் படக்குழுவினர் ரிவைசிங் கமிட்டிக்கு இந்த படத்தை அனுப்பினர். ரிவைசிங் கமிட்டியில் இந்த படத்திற்கு 'ஏ' சர்டிபிகேட் கொடுத்து படத்தை வெளியிட அனுமதித்துள்ளனர். இதனால் 'மெட்ரோ' படம் பெரிய ஆபத்தில் இருந்து தப்பி பிழைத்துள்ளது என்பது குறிப்பிடத்தக்கது.