கடந்த 2001ஆம் ஆண்டு அஜித் நடிப்பில் வெளிவந்த 'சிட்டிசன்' படத்தில் மிகவும் பிரபலமான பிளாஷ்பேக் காட்சி திருவள்ளூர் அருகேயுள்ள புலிகட் என்ற பகுதியில் எடுக்கப்பட்டிருக்கும். அத்திப்பட்டி என்ற கிராமமாக அந்த படத்தில் தோன்றிய இந்த பகுதியில் அதன் பின்னர் யாரும் படப்பிடிப்பு நடத்தாத நிலையில் 15 வருடங்கள் கழித்து அதே இடத்தில் மீண்டும் தற்போது பாபிசிம்ஹா நடிக்கும் படம் ஒன்றின் படப்பிடிப்பு நடைபெற்று வருகிறது.

விஜய்தேசிங்கு இயக்கத்தில் பாபிசிம்ஹா நடித்து வரும் திரைப்படம் 'வல்லவனுக்கு வல்லவன். இந்த திரைப்படத்தின் படப்பிடிப்பு 'சிட்டிசன்' படப்பிடிப்பு நடந்த அதே புலிகட் தீவில் படப்பிடிப்பு நடைபெற்று வருகிறது. 15 வருடங்களுக்கு பின்னர் அஜித் படப்பிடிப்பு நடந்த பகுதியில் பாபிசிம்ஹா படத்தின் படப்பிடிப்பு நடைபெறுகிறது என்பது குறிப்பிடத்தக்கது.

பாபிசிம்ஹாவுடன் ஷிவேதா, கருணாகரன் உள்ளிட்ட பலர் நடித்து வரும் இந்த படத்தை ஸ்ரீதேனாண்டாள் பிலிம்ஸ் நிறுவனம் தயாரித்து வருகிறது.