நாகை அருகே படகு கவிழ்ந்து 3 பேர் நீரில் மூழ்கி பரிதாப பலி
- IndiaGlitz, [Tuesday,January 16 2018]
நாகை மாவட்டம் வேதாரணம்யம் பகுதியில் படகு கவிழ்ந்து மூன்று பேர் பரிதாபமாக உயிரிழந்தனர். இதனால் அந்த பகுதியில் பெரும் பரபரப்பு ஏற்பட்டுள்ளது.
தமிழகம் முழுவதும் இன்று காணும் பொங்கல் கொண்டாடி வரும் நிலையில் வேதாரண்யம் அருகே ஆறுகாட்டுத்துறை என்ற பகுதியில் உள்ள நடுக்கடலில் குளிக்க ஒரு படகில் இளைஞர்கள் சிலர் சென்றனர்.
இந்த நிலையில் அவர்கள் சென்ற படகு எதிர்பாராதவிதமாக கவிழ்ந்தது. இதனால் படகில் பயணம் செய்தவர்கள் தண்ணீரில் தத்தளித்த நிலையில் பிரவீண்குமார் உள்பட மூன்று பேர் பரிதாபமாக உயிரிழந்தனர். இந்த விபத்தில் சிக்கிய மேலும் ஐந்து பேர் மீட்கப்பட்டு அவர்கள் வேதாரண்யம் அரசு மருத்துவமனையில் சிகிச்சைக்காக அனுமதிக்கப்பட்டுள்ளனர். இந்த சம்பவம் குறித்து போலீசார் வழக்குப்பதிவு செய்து விசாரணை செய்து வருகின்றனர்.