புளூசட்டை மாறனின் படத்திற்கு சென்சார் சான்றிதழ் மறுப்பா?
- IndiaGlitz, [Wednesday,April 07 2021]
ஆன்லைன் திரைப்பட விமர்சகரான புளூசட்டை மாறன் திரைப்படத்திற்கு சென்சார் சான்றிதழ் தர சென்சார் அதிகாரிகள் மறுத்துள்ளதாக வெளிவந்திருக்கும் தகவல் பெரும் பரபரப்பை ஏற்படுத்தி உள்ளது
புளூசட்டை மாறன் தயாரிப்பில் ’ஆன்ட்டி இந்தியன்’ என்ற திரைப்படம் உருவாகி வந்தது. இந்த படத்தில் அவரே ஒரு முக்கிய கேரக்டரில் நடித்துள்ளதாகவும், மேலும் இந்த படத்தில் நரேன், ராதாரவி உள்ளிட்ட ஒருசிலர் நடித்து வந்ததாகவும் கூறப்பட்டது
இந்த படத்தின் படப்பிடிப்பு முடிவடைந்து போஸ்ட் புரொடக்ஷன் பணிகள் முடிவடைந்த நிலையில் சென்சாருக்கு இந்த படம் சமீபத்தில் சென்றதாகவும் சென்சார் அதிகாரிகள் இந்த படத்தை பார்த்துவிட்டு சென்சார் தர மறுத்து விட்டதாகவும் தகவல்கள் வெளிவந்துள்ளன
ரஜினி, கமல், அஜித், விஜய் உள்பட அனைத்து மாஸ் நடிகர்களின் திரைப்படத்தை கேலியும் கிண்டலுமாக விமர்சனம் செய்த புளூசட்டை மாறன் திரைப்படத்திற்கு சென்சார் சான்றிதழ் மறுக்கப்பட்டது பெரும் பரபரப்பை ஏற்படுத்தி உள்ளது. இதனையடுத்து அவர் டிரிபியூனலுக்கு செல்வாரா என்பதை பொறுத்திருந்து பார்ப்போம். ஒருவேளை சென்சார் கிடைக்காவிட்டால் அவர் தனது படத்தை ஓடிடியில் ரிலீஸ் செய்வார் என்று எதிர்பார்க்கப்படுகிறது.