బ్లాక్ బస్టర్స్ మైలురాయికి చేరుకున్నాయ్
- IndiaGlitz, [Friday,October 16 2015]
ఈ మ‌ధ్య‌కాలంలో ద‌క్షిణాదిన బ్లాక్‌బ‌స్ట‌ర్ సినిమాలు అంటే.. 'బాహుబలి', 'శ్రీ‌మంతుడు', 'త‌ని ఒరువన్'. ఈ మూడు చిత్రాలు క్రియేట్ చేసిన సెన్సేష‌న్ అంతా ఇంతా కాదు. వీటిలో రెండు సినిమాలు ఒక రోజు వ్య‌వ‌ధితో మైలురాయికి చేరుకుంటున్నాయి. ప్ర‌భాస్‌, త‌మ‌న్నా, అనుష్క, రానాల‌తో రాజ‌మౌళి రూపొందించిన విజువ‌ల్ వండ‌ర్ బాహుబలి.. విడుద‌లైన అన్ని భాష‌ల్లో రేప‌టితో 100 రోజుల మైలురాయికి చేరుకుంటుంటే.. జ‌యం ర‌వి, న‌య‌న‌తార, అర‌వింద్ స్వామి ముఖ్య తారాగ‌ణంగా మోహ‌న్ రాజా రూపొందించిన త‌మిళ చిత్రం త‌ని ఒరువన్ ఇవాళ్టితో 50 రోజుల మైలురాయికి చేరుకుంది. త‌ని ఒరువన్ సినిమా.. తెలుగులో రామ్‌చ‌ర‌ణ్ హీరోగా సురేంద‌ర్ రెడ్డి దర్శకత్వంలో రీమేక్ కానున్న సంగ‌తి తెలిసిందే.