உலக நாயகன் கமல்ஹாசன் நேற்று முன் தினம் மதுரையில் தனது அரசியல் கட்சியை அறிமுகம் செய்து சிறப்புரையாற்றினார். அப்போது ரசிகர்களின் கேள்விகளுக்கும் அவர் பதிலளித்தார். அதில் ஒரு ரசிகர் நீங்கள் ஆட்சிக்கு வந்தால் இலவசமாக ஸ்கூட்டரும் குவாட்டரும் உண்டா? என்று கேட்டிருந்தார். அதற்கு பதிலளித்த கமல், 'நான் ஆட்சிக்கு வந்தால் இலவசமாக எதுவும் கிடையாது. ஆனால் அதே நேரத்தில் பொதுமக்கள் மற்றவர்களுக்கு பொருட்களை இலவசமாக வழங்கும் அளவுக்கு வேலைவாய்ப்பு, பொருளாதாரத்தை உயர்த்துவேன்' என்று கூறினார்

இந்த நிலையில் கமல்ஹாசனின் இந்த பதிலை கிண்டலடிக்கும் வகையில் ஸ்கூட்டர் கிடையாது, குவாட்டர் கிடையாது, அப்ப மேட்டர் உண்டா?  என்று தொலைக்காட்சி விவாத நிகழ்ச்சிகளில் கலந்து கொள்பவரும் பாஜக பிரமுகருமான நாராயணன் திருப்பதி என்பவர் தனது சமூக வலைத்தளத்தில் கேள்வி எழுப்பியுள்ளார்.

நாராயணன் திருப்பதியின் இந்த பதிவுக்கு நெட்டிசன் தங்களுடைய கடுமையான எதிர்ப்பு கேலி, கிண்டலுடன் பதிலடி கொடுத்து வருகின்றனர்.