மக்களவைத் தேர்தல் விரைவில் வர இருக்கும் நிலையில் பாரதிய ஜனதா கட்சி சற்று முன் தனது முதல் கட்ட வேட்பாளர் பட்டியலை அறிவித்துள்ளது. இந்த பட்டியலில் இரண்டு திரை உலகினரை சேர்ந்தவர்களின் பெயர்கள் உள்ளது என்பது குறிப்பிடத்தக்கது.

வரும் ஏப்ரல் மாதம் பாராளுமன்ற தேர்தல் நடைபெறும் என்று எதிர்பார்க்கப்படும் நிலையில் முதல் கட்சியாக பாரதிய ஜனதா கட்சி சற்றுமுன் முதல்கட்ட வேட்பாளர் பட்டியலை வெளியிட்டுள்ளது. இதன்படி வாரணாசி தொகுதியில் பிரதமர் மோடி மீண்டும் போட்டியிடுகிறார். மத்திய உள்துறை அமைச்சர் அமித்ஷா குஜராத் மாநிலத்தில் உள்ள காந்திநகர் தொகுதியிலும் அமைச்சர் ஸ்மிருதி இரானி அமேதி தொகுதிகளும் போட்டியிடுகின்றனர்.

இந்த நிலையில் பிரபல மலையாள நடிகர் சுரேஷ் கோபி, கேரளாவில் உள்ள திருச்சூர் தொகுதியில் போட்டியிடுவதாக அறிவிக்கப்பட்டுள்ளது. அதேபோல் பிரபல பாலிவுட் நடிகை ஹேமா மாலினி மதுரா தொகுதியில் போட்டியிடுகிறார். இந்த இரண்டு திரை நட்சத்திரங்களின் தொகுதிகள் உள்பட மொத்தம் 195 பேர்கள் கொண்ட முதல் கட்ட வேட்பாளர் பட்டியல் வெளியாகியுள்ளது என்பது குறிப்பிடத்தக்கது.

மேலும் திருவனந்தபுரம் தொகுதியில் பாஜக சார்பில் ஷோபனா அல்லது கீர்த்தி சுரேஷ் அப்பா சுரேஷ் போட்டியிடுவார் என்று எதிர்பார்க்கப்பட்ட நிலையில் அந்த தொகுதியில் ராஜீவ் சந்திரசேகர் என்பவர் போட்டியிடுவதாக அறிவிக்கப்பட்டுள்ளது.