நடிகர் பிரகாஷ்ராஜ் கடந்த சில வருடங்களாகவே பாஜகவை அதிகம் விமர்சனம் செய்து வருகிறார் என்பது தெரிந்ததே. குறிப்பாக மூத்த பத்திரிகையாளர் கவுரி லங்கேஷ் படுகொலை குறித்தும், பிரதமர் மோடியை நல்ல நடிகர் என்றும் பிரகாஷ்ராஜ் செய்த விமர்சனங்கள் பெரும் பரபரப்பை ஏற்படுத்தியது

இந்த நிலையில் தற்போது மீண்டும் பாஜகவை அவர் விமர்சனம் செய்துள்ளார் கர்நாடக மாநிலத்தில் சமீபத்தில் லிங்காயத்துக்களை தனி மதமாக அறிவித்தது. இந்த அறிவிப்புக்கு மக்களை காங்கிரஸ் அரசு மதத்தால் பிரிப்பதாக பாஜகவினர் குற்றம் சாட்டியிருந்தனர்.

பாஜகவின் இந்த குற்றச்சாட்டு குறித்து நடிகர் பிரகாஷ்ராஜ் தனது சமூக வலைத்தளத்தில் கூறியபோது, 'மக்களை மத, இன ரீதியாக பிரித்தாள்வதில் கைதேர்ந்த பாஜகவினர், அந்த பழியை ஏன் அடுத்தவர்கள் மீது போடுகிறீர்கள். மக்களை மத, இன ரீதியாக  பிரித்தாள்வது உங்களுக்கே கசந்துவிட்டதா? என்று கூறியுள்ளார். பிரகாஷ்ராஜின் இந்த டுவீட் சமூக வலைத்தளத்தில் வைரலாகி வருகிறது.