தமிழீழ விடுதலைப்புலிகள் அமைப்பின் தலைவரான வேலுப்பிள்ளை பிரபாகரனைபற்றி தெரியாத தமிழர்கள் இருக்க முடியாது தனி ஈழம் பெற போராடிய இவர் இலங்கை தமிழர்கள் மத்தியில் மட்டுமின்றி உலக தமிழர்களின் ஹீரோவாக புகழப்பட்டவர். கடந்த 2009ஆம் ஆண்டு நடந்த இறுதிப்போரில் பிரகாரன் மரணம் அடைந்ததாக இலங்கை அரசு அறிவித்தது

இந்த நிலையில் பிரபாகரன் வாழ்க்கை வரலாற்றை திரைப்படம் எடுக்க ஸ்டுடியோ 18 என்ற நிறுவனம் முடிவு செய்துள்ளது. இந்நிறுவனம் ஏற்கனவே 'உனக்குள் நான்', 'லைட்மேன், மற்றும் 'நீலம்' ஆகிய படங்களை தயாரித்துள்ளது. இதில் நீலம்' படத்திற்கு சென்சார் அதிகாரிகள் சான்றிதழ் தர மறுத்துவிட்டதால் இந்த படம் வெளியாகவில்லை என்பது குறிப்பிடத்தக்கது.

வெங்கடேஷ்குமார் என்பவர் இயக்கவுள்ள 'பிரபாகரன்' வாழ்க்கை வரலாற்று திரைப்படத்தின் படப்பிடிப்பு இம்மாதம் தொடங்கும் என்றும் இந்த படத்தில் நடிக்கும் நடிகர், நடிகைகள் மற்றும் டெக்னீஷியன்கள் குறித்த தகவல் விரைவில் வெளிவரும் என்றும் எதிர்பார்க்கப்படுகிறது.