இலங்கை தமிழர்களின் உரிமைக்காக பாடுபட்ட விடுதலைப்புலிகளின் தலைவர் பிரபாகரனின் வாழ்க்கை வரலாறு திரைப்படம் ஒன்று உருவாகவிருப்பதாக கடந்த சில மாதங்களாகவே செய்திகள் வெளிவந்து கொண்டிருந்த நிலையில் தற்போது அது உறுதி செய்யப்பட்டுள்ளது. இந்த படத்திற்கு தமிழில் 'சீரும் புலிகள்' என்ற டைட்டிலும், ஆங்கிலத்தில் THE RAGING TIGERS என்ற டைட்டிலும் வைக்கப்பட்டுள்ளது.

ஸ்டுடியோ 18 என்ற நிறுவனம் தயாரிக்கவுள்ள இந்த படத்தை வெங்கடேஷ்குமார் என்பவர் இயக்கவுள்ளார். இவர் ஏற்கனவே 'லைட்மேன்', 'உனக்குள் நான்' மற்றும் 'நீலம்' ஆகிய திரைப்படங்களை இயக்கியவர் என்பது குறிப்பிடத்தக்கது.

இந்த படத்தின் டைட்டிலை அறிவித்துள்ள ஸ்டுடியோ 18 நிறுவனம் இதுகுறித்து கூறியபோது, 'மேதகு தமிழ் தலைவர் வேலுப்பிள்ளை பிரபாகரனின் வாழ்க்கை வரலாற்றை பதிவு செய்வதில் நாங்கள் பெருமை கொள்கிறோம். இத்தருணத்தில் எங்கள் திரைப்படத்தின் தலைப்பை வெளியிடுவதில் நாங்கள் மகிழ்ச்சி அடைகிறோம்