பிரபல தயாரிப்பாளர் மற்றும் நடிகர் ஆர்.கே.சுரேஷ் ஹீரோவாக நடித்த 'பில்லா பாண்டி' திரைப்படம் வரும் தீபாவளி அன்று திரைக்கு வெளிவரவுள்ளதாக அறிவிக்கப்பட்டுள்ள நிலையில் இந்த படத்தின் சென்சார் மற்றும் ரன்னிங் டைம் தகவல்கள் வெளிவந்துள்ளது.

'பில்லா பாண்டி' திரைப்படத்திற்கு சென்சார் அதிகாரிகள் 'யூ' சான்றிதழ் அளித்துள்ளனர். மேலும் இந்த படம் 139 நிமிடங்கள் அதாவது 2 மணி நேரம் 19 நிமிடங்கள் ஓடுகிறது. இந்த படம் சென்சார் சான்றிதழ் பெற்றுவிட்டதை அடுத்து வரும் தீபாவளிக்கு ரிலீஸ் ஆவது உறுதி செய்யப்பட்டுள்ளது.

அஜித் ரசிகராக ஆர்.கே.சுரேஷ் நடித்துள்ள இந்த படத்தில் இந்துஜா, யோகிபாபு, தம்பி ராமையா உள்ளிட்ட பலர் நடித்துள்ளனர். சரவணஷக்தி இயக்கியுள்ள இந்த படத்திற்கு இளையவன் இசையமைத்துள்ளார். ஜீவன் ஒளிப்பதிவில் ராஜாமுகமது படத்தொகுப்பில் இந்த படம் உருவாகியுள்ளது.