உலகின் மிகப்பெரிய பணக்காரர்களில் ஒருவரும் மைக்ரோசாப்ட் நிறுவனத்தின் இணை நிறுவனருமான பில்கேட்ஸ் தனது மனைவியை விவாகரத்து செய்ய முடிவு செய்துள்ளதாக தகவல் வெளிவந்துள்ளது

நீண்ட ஆலோசனைக்குப் பின்னரே பிரிய முடிவு செய்திருப்பதாக இருவரும் கூட்டாக வெளியிட்டுள்ள அறிக்கையில் தெரிவித்துள்ளனர். இதன்மூலம் 27 ஆண்டுகால திருமண உறவு முடிவுக்கு வருவதாக பில்கேட்ஸ் மற்றும் மெலிண்டா ஆகிய இருவரும் தனித்தனியாக அறிக்கை வெளியிட்டுள்ளனர்

பில்கேட்ஸ் மற்றும் மெலிண்டா ஆகிய இருவரும் தம்பதியராக தொடரவில்லை என்றாலும் அறக்கட்டளையை தொடர்ந்து இணைந்து நடத்துவார்கள் என்றும் அறிவிக்கப்பட்டுள்ளது. மேலும் இருவரும் தம்பதியாக தொடர்ந்தால் தங்கள் வாழ்வில் அடுத்தகட்ட வளர்ச்சியை எட்ட முடியாது என கருதுவதால் பிரிவது என முடிவு செய்துள்ளதாக தங்களது அறிக்கையில் தெரிவித்துள்ளனர்
ஆனால் அதே நேரத்தில் லாப நோக்கமற்று செயல்பட்டு வரும் பில்கேட்ஸ் - மெலிண்டா அறக்கட்டளையை தொடர்ந்து 21 ஆண்டுகளாக நடத்தி வரும் நிலையில் அந்த பணி தொடரும் என்றும் அந்த பணியை தொடர்ந்து இருவரும் இணைந்து செய்ய இருப்பதாகவும் அறிவித்துள்ளனர். இந்த அமைப்புக்கு 3 லட்சத்து 80 ஆயிரம் கோடி மதிப்புள்ள சொத்துக்கள் உள்ளது என்பது குறிப்பிடத்தக்கது

உலகின் மிகப்பெரிய பணக்காரர்களில் ஒருவரான பில்கேட்ஸ் தனது மனைவியை விவாகரத்து செய்ய உள்ளதாக வெளிவந்திருக்கும் தகவல் பெரும் பரபரப்பை ஏற்படுத்தி உள்ளது.